抹茶館 (荷里活廣場) (已結業)

抹茶館其實之前第一次食覺得都幾好，後來愈嚟愈差，不過已經無得再差，所以無咩特別感覺。食過好多次，總結一下，康怡個間有排服務態度好差，沙田個間無咩特別，鑽石山呢間之前有段時間無咗，依家又係番到，琴日啲服務都幾好，無咩唔滿意既地方。講番食物，呢個蒸蛋經典，個面甜既，有啲似蛋糕，加埋啲柚子認真騎呢到爆，真係超級不建議大家食，有生以嚟第一次食咁特別既蒸蛋。雞翼顯得好正常，十分感動。拉麵都係正正常常，雞飯都係，呢兩樣間間分店質素好統一，光顧任何一間都係一樣。綠茶套餐跟個杯好淡好似溝左好多水咁，焦糖牛奶抹茶都係正常水準，無咩問題。BTW，自己覺得套餐都幾抵，230加1，野飲飲番menu個啲減得十蚊有啲少，埋單289咁上下，同平時差唔多不過多一個小食，都幾好。