影片
更多
2021-06-20
24 瀏覽
呢個BFF四人組合好耐冇出現過嚕，今次揀咗間樓上Cafe為好朋友預祝生日。基本上聽到樓上Cafe都會覺得係伏伏地，但呢間又唔係差噃。只不過就真係嘈咗少少，咁就啱晒我哋喇！我哋幾條八婆聚埋一齊，講嘢都有番啲音量㗎！呢間Cafe午餐價錢大約$88至$138，包含餐湯及一杯價值$28以下嘅飲品。餐湯唔係咁夠熱唔濃稠，一般般。今次主菜分別有：法式班戟班配班尼迪蛋菠菜巴馬火腿、意式茄醬海鮮意大利飯、煙肉芝士和牛漢堡配薯條、澳洲肉眼扒8安士。意式茄醬海鮮意大利飯，分量十分精緻，每人一啖就食完，味道冇咩特別！煙肉芝士和牛漢堡，肉質唔Juicy，想食漢堡包嘅就唔好黎呢度喇。粗薯條，我就一向都唔覺得好食嘅，成日覺得好快就淋哂，唔好咬。法式班戟班配班尼迪蛋菠菜巴馬火腿，呢個就幾特別，鹹甜交錯配搭，價錢又唔貴，影相又靚。最有驚喜就係澳洲肉眼扒8安士，四個人食完一啖都有讚冇彈，煮得啱啱好，真係估唔到吖！
呢間Cafe午餐價錢大約$88至$138，包含餐湯及一杯價值$28以下嘅飲品。餐湯唔係咁夠熱唔濃稠，一般般。
今次主菜分別有：法式班戟班配班尼迪蛋菠菜巴馬火腿、意式茄醬海鮮意大利飯、煙肉芝士和牛漢堡配薯條、澳洲肉眼扒8安士。
意式茄醬海鮮意大利飯，分量十分精緻，每人一啖就食完，味道冇咩特別！
煙肉芝士和牛漢堡，肉質唔Juicy，想食漢堡包嘅就唔好黎呢度喇。粗薯條，我就一向都唔覺得好食嘅，成日覺得好快就淋哂，唔好咬。
法式班戟班配班尼迪蛋菠菜巴馬火腿，呢個就幾特別，鹹甜交錯配搭，價錢又唔貴，影相又靚。
最有驚喜就係澳洲肉眼扒8安士，四個人食完一啖都有讚冇彈，煮得啱啱好，真係估唔到吖！
張貼
