丼丼屋 (德福廣場) (已結業)

九龍灣間間都排長龍，試吓呢間日式便當。睇佢相片滑蛋好似唔錯，就先試個滑蛋和牛便當。蛋係滑嘅，蛋味都唔錯，牛肉份量都唔算少，配埋個沙律同湯，飯嘅份量亦唔算少，呢個價錢都算係唔錯。再嚟個鰻魚便當，鰻魚都夠香，骨唔多，魚都夠香軟，份量都唔算少，有圖有真相。醬汁方面就都還可以，但唔係好好味嘅鰻魚汁，跟餐嚟個支味粉我就無用到，再落怕佢太鹹了。 跟餐亦有湯同埋沙律，盛惠九十八蚊，如果呢個價錢有咁大舊鰻魚都算OK啦！服務方面就一般正常咁囉。