吉壽日本料理 (已結業)

同女友去到旺角，大家見肚餓，無端端醒起有個friend之前講起呢間放題，我又未試過，咪走去試下囉。放題專門店 2 小時任飲任食放題。 上到去門口超多人之後心想應該無位，但估唔到只係等了兩分鍾立刻有位。先講環境，佢地雖然門口好細，但一行入去個場竟然大到不得了，我當時有點驚嚇。再講食物，我同女友一坐定就立刻點刺身，不用三分鐘立刻送到很有效率，仲用個好靚既刺身盤裝住，三文魚很有鮮美。天婦羅夠脆口，加上天婦羅汁一流。芝麻雞翼，依樣真係不得不試。燒羊架同芝士魚餅真係一定要試! 極力推介呀!!!!牛乳海鮮鍋幾有奶味, 幾鮮甜蟹粥超好味女友贊不絕口但除左第一ROUND係正常上菜速度 之後果兩次都等左好耐先黎。可能係人多的關係，我們只係吹了一次單之後D嘢食都陸續上比我地。出到門口勁多人，迫爆晒，想出都難，唯有行樓梯落樓下。呢間唔會好似其他放題咁出唔足食物,叫咁多就出咁多....但係都有D漏單..不過情况唔嚴重。