影片
更多
2014-02-16
6831 瀏覽
冇北京填鴨食 唔知味道高力豆沙同豆沙窝餅好好味蒜泥白肉好清新砂窝云呑雞味道一般 咸咗啲 我啲外國朋友唔鐘意食水煮魚呀 松花魚呀 都正路冇乜驚喜始终大牌子 集團嘢中規中矩啦
高力豆沙同豆沙窝餅好好味
蒜泥白肉好清新
砂窝云呑雞味道一般 咸咗啲 我啲外國朋友唔鐘意食
水煮魚呀 松花魚呀 都正路冇乜驚喜
始终大牌子 集團嘢
中規中矩啦
題外話/補充資料：
餸菜幾好味 不過份量太少 九人食 差不多每款叫雙份激到我死死下 平時我係鬧完就算 激到我第一次寫食評 就係旺角新世纪北京樓 嬲爆
知道新蒸頭多人食飯 响新年前就訂定位 訂十人九時入座 仲留定隻北京填鴨 諗住一班人團年 順便介绍埋外國朋友食北京樓幾款岀名菜式 九點未到人齊就準備入座 坐低後聴到侍應話冇哂填鴨 果下有啲驚嚇 問佢點解 佢話佢地做開不嬲冇幫客留鴨喎 嘩 果下我就火火地 但都有偈傾 同佢講我地一早訂枱時已講得好清楚 對質不遂 叫經理嚟 答案一樣話一向冇留鴨服務喎 仲問我有冇記低邊個同事同我留位喎 真係幾搞笑囉 不過 佢教曉我 以後會問返佢係乜水 以防萬一 好喇 朋友話算數 咁就叫其他嘢啦 叫乜冇乜咁濟 套餐冇 上海年糕冇 生煎飽冇 拔絲香蕉冇 乜都冇 叫人食乜 都算數嘞 食咗小籠包 窝筍 蒜泥白肉 松花魚 水煮魚 砂窝雲吞鷄 葱爆牛 荳沙餅同高力荳沙 味道都唔錯嘅 始终係大集團 味道唔會十分差 不過啲份量就好少 叫啤酒 叫咗6罐不同牌子啤酒嚟3隻杯 同佢講要多3隻嚟兩隻 同阿姐講仲爭一隻喎 佢黑我面 好似我錯咁 有冇搞錯呀 咩服務態度呀 仲有 碟碟嘢蚊子咁细 要每樣叫兩碟咁濟 算 就當我地大食 到上菜果下我就爆嘞 响我後面好似平時阿媽咁把我喝“ur“咁喎 我接受唔到囉 北京樓雖然唔係咩米芝蓮食肆 但都唔好咁搞衰個名吖 話哂我地细细個就聴過呢個名 差不多同鹿鳴春同样咁濟 講真 今次真係超失望架
(以上食評乃用戶個人意見 , 並不代表OpenRice之觀點。)
張貼