幸福班戟 (已結業)

今日行過這間已經想去好耐嘅pancake店，終於以前打晒蛇餅嘅人龍唔見咗，只有兩三個人排隊。就同老公埋去等位，原來前邊兩個人都未齊人，我同老公就直接入去坐低。已經感覺很幸福。Menu上邊有鹹同甜，望都冇望鹹嘅就睇睇甜嘅有乜嘢選擇，就揀招牌幸福pancake同埋朱古力香蕉pancake，枱面已經放咗一牌話要等20分鐘， OK啊預咗要等。終於等到喇，招牌上邊有一個好似雪糕，一啖食咗半個，唔似雪糕，問店員原來係牛油，真係估唔到，應該係點pancake一齊食，下次知道啦。跟嗰個糖漿都好好味因為係蜜糖。香蕉朱古力都好好食不過冇乜特別。食完好開心好幸福。