牛太 (已結業)

之前都黎過好幾次，一直都覺得食物質素係幾好嘅，服務都幾好。但最近嗰一次，亦都係最後一次去，真係完全覺得服務十分差。首先我係訂左枱，兩位入到去坐低，嗰陣個員工已經話單餐嗰部機有問題，然後換左另一部。到我地點餐，等左15分鐘都未有野食，反而飲品或者熟食全部到齊，而所有點過嘅肉類係無出現過。連隔離枱遲過我地入座點餐都已經有了。 最後個幾鐘嘅燒肉放題，只係上過兩次燒肉，而呢兩次都係要我地三催四請先拎過黎。我比錢食飯，竟然仲要我求你地比野我食？我完全唔明白點解呢間野員工解決問題嘅方式係咁差，既然我地落嘅單廚房睇唔到，仲要唔止一次，你係咪應該幫我地人手落單？我地又唔會大食到要你過黎人手落單落十幾二十次啊？點解咁簡單嘅事都做唔到，仲反過黎質問我地係咪無點過，部機就有record嘅，點解熟食同飲品你地就收到order，但燒肉就收唔到？我一定唔會再去，服務質素同態度真係太差了，仲要唔係平價放題。