亂炒一通 (已結業)

一家人食飯，除咗去酒樓，最鍾意就係食小炒，如果去葵芳，最鍾意就去食金潮，今日去到葵興，試咗一間小菜館，就係光輝圍，嗌左幾個小菜質素唔錯。既然係平民小店，所以間鋪頭唔算好大，但係座位都唔算太狹窄。可以點火鍋，小菜及燉湯，竟然連豬油撈飯都有。餐牌實在太多元化。先點一個小食，媽咪最鍾意就係食魚皮。爽脆鯇魚皮小食屋企人好鍾意食呢款小食，但係唔常見，唔係好多地方有得食。魚皮爽脆唔腥味， 仲有花生，好食。黃金蝦好出色啊，上枱嘅時候熱騰騰，而且啲蝦肉新鮮，每隻都比鹹蛋黃包住，仲好大隻添，咸香連蝦売都食埋。頭抽乳鴿其實佢唔算乳鴿，因為佢好大隻。比一般乳鴿大隻，唔太咸又入味。豬油渣炒豆苗平時食豆苗都係上堂，今次試吓炒豆苗，食落好香口。幾特別又少見。