吉壽日本料理 (已結業)

好耐冇去過吉壽食放題啦，一入到去就嚇親。有勁大個雪櫃、甜品區、雪糕機同勁多餐先小食。太肚餓啦，所以就拎左酒糟雞翼、章魚丸食下先。原來仲有雞煲可以食住先，每樣味道都唔錯。不要我最鐘意酒糟雞翼，有酒香，雞肉又好彈牙，好開胃。而且有好多款新穎既壽司。個吞拿魚蓉壽司好特別，上層有吞拿魚獨有既油脂香味，下層混入左蟹籽既壽司都好清新。白松露油甘魚壽司，白松露味較黑松露輕，不過依然好香濃，油甘魚好肥美。燒鰻魚超級肥美，入口即溶，濃濃既醬汁加上鰻魚既油脂係口入面化開，好正。