第一次食私房菜，感覺舒服輕鬆唔會有拘謹嘅感覺，接待有禮。
🔸本地水耕沙律菜伴芝麻醬
沙律菜新鮮，用青瓜包住卷埋食好方便。
🔸雙色墨魚仔
墨魚仔爽口，彈牙啖啖肉，一隻辣一隻唔辣嘅。
🔸茶燻流心蛋伴黑魚子爆配厚切茄子
流心蛋嘅燻味好重，食落好香濃，底下好似茄子好厚肉配埋個秘製醬汁好夾。
🔸榮哥自家甜酸齋
齋件大小適中，一啖一件啱啱好，甜酸汁調味度適中，唔會好搶口。
🔸原盅燉哈密瓜螺頭黑毛豚肉湯
飲落好清甜，哈密瓜同豬肉都好出味。
🔸原盅燉川見陳皮海底椰經魚肉湯
飲落好似住家湯既味道，呢款湯較濃味。
🔸慢煮海黃花配普寧豆醬伴黑魚子
第一次咁樣食黃花魚，冷盤上，口感綿密，冇腥味，好特別。
🔸蝦球水芙蓉
個底係蒸蛋白，成碟整體好滑好細膩，蝦球大隻爽口彈牙。
🔸蜜椒比利時杜洛克 St.Louis橄欖豬肋骨
豬肋骨味道鹹鹹甜甜，香口惹味。
🔸招牌茶王燻雞
煙燻阻嘅炸子雞，皮脆肉嫩，多咗陣煙燻嘅茶香味。
🔸魚湯有機時令鮮蔬
新鮮嘅菠菜配上濃郁魚湯，口感豐富。
🔸他鄉炒米絲(24個月西班牙黑毛豬火腿配福建莆田米粉）
呢個米粉好好食！一絲絲好幼細既米粉，配上多種配料，有調味但唔會好鹹。
🔸薑湯湯圓
湯底少少甜辣辣地，湯圓流沙芝麻。
