影片
更多
2020-10-08
902 瀏覽
呢晚唔想煮飯，簡簡單單落街食碗麵。呢間銘興山西刀削麵顧名思義，主打刀削麵，估唔到呢間嘅刀削麵食法同配搭都好多變化！除左湯麵，仲有熱拌同涼拌揀，選擇好多樣化，而且仲見到廚房嘅師傅即削即煮，非常新鮮！麵款四五十蚊就有交易，加$9可以雙拼，價錢親民，心大心細完一輪，最後叫咗一桌子食物！等候期間，見到枱上面放咗一大樽醃蘿蔔任食，醃蘿蔔酸酸甜甜好開胃，我都食咗幾碟，哈哈。熱拌刀削麵（金沙骨，金錢肚雙拼 $61）初次食熱拌刀削麵，即刻深得我心。刀削麵由於手削出來，厚度未必一致，所以食起嚟好有口感，煙煙靭靭，拌上青瓜絲，花生，芝麻醬，蔥花及擔擔醬，味道惹味！配料另上，金沙骨有兩大舊，外面炸得酥脆，肉質依然嫩滑，唔會太油。金錢肚鹵得入味，雙拼份量比想像中慷慨！上湯刀削麵（蒜泥牛展，豬頸肉$57)第一次嚟，所以都點咗一碗湯麵試試真功夫。湯底好清甜，刀削麵浸住湯都仍然保持咬口，不愧係招牌，不過論彈牙度，始終都係拌麵優勝。蒜泥牛展及豬頸肉都係另上，每款配料都可以選擇辣度，我就揀咗牛展小辣，豬頸肉走辣。牛展好軟腍，味道帶少少麻辣，非常惹味！豬頸肉邊燒到焦香，微微帶脆，都唔錯！我哋冇食中午，食完兩大碗都仲未滿足
等候期間，見到枱上面放咗一大樽醃蘿蔔任食，醃蘿蔔酸酸甜甜好開胃，我都食咗幾碟，哈哈。
熱拌刀削麵（金沙骨，金錢肚雙拼 $61）
初次食熱拌刀削麵，即刻深得我心。刀削麵由於手削出來，厚度未必一致，所以食起嚟好有口感，煙煙靭靭，拌上青瓜絲，花生，芝麻醬，蔥花及擔擔醬，味道惹味！
配料另上，金沙骨有兩大舊，外面炸得酥脆，肉質依然嫩滑，唔會太油。金錢肚鹵得入味，雙拼份量比想像中慷慨！
上湯刀削麵（蒜泥牛展，豬頸肉$57)
第一次嚟，所以都點咗一碗湯麵試試真功夫。湯底好清甜，刀削麵浸住湯都仍然保持咬口，不愧係招牌，不過論彈牙度，始終都係拌麵優勝。
蒜泥牛展及豬頸肉都係另上，每款配料都可以選擇辣度，我就揀咗牛展小辣，豬頸肉走辣。牛展好軟腍，味道帶少少麻辣，非常惹味！豬頸肉邊燒到焦香，微微帶脆，都唔錯！
我哋冇食中午，食完兩大碗都仲未滿足，老公就點多幾個小食分享。
涼拌海蜇($40)
海蜇份量偏少，而且切得較為碎，反而青瓜絲仲多過海蜇，性價比唔高。
花雕醉雞($46)
雞肉唔算嫩滑，但好入味，食到陣陣酒香，如果隻蛋都可以再入味D就更好啦。
張貼
