福臨門 (金巴利道) (已搬遷) 新店位置

基本上尖沙咀福臨門已經變咗我地嘅飲茶基地, 環境同服務都好過灣仔福臨門, 要過海遠水路d都唔願去灣仔... (不過灣仔真係堅多名人名星食客)坊間的普洱茶都有噏味通病, 呢度的普洱就無呢個問題, 好順喉好飲好...服務可能比酒店更稱心, 一坐低侍應就會拎2茶几比你放手袋, 席期又會不時替係添茶...有幾個點心我地一定會食... 杬仁馬拉糕, 爽滑芝麻卷, 蜜汁叉燒酥...蜜汁叉燒酥 $60-- 酥香的合桃酥外層, 包裹著足料的叉燒內涵, 香甜的叉燒餡, 實在太美味!!! 要我1個人食12件都無難度...咖哩蒸土魷 $60-- 咖哩汁好正, 夠香辣, 勁惹味, 土魷爽口彈牙, 相信只有係呢度先食到...瑤柱珍珠雞 $60-- 純粹搵o野填飽個肚, 都ok好味的...杬仁馬拉糕 $50-- 食幾多次都咁好味, 乾濕適中, 又鬆又軟, 蔗糖味香濃... Yummy!!!爽滑芝麻卷 $50-- 充滿懷舊味道的菲林卷, 已經好難搵, 口感爽滑, 甜度適中, 芝麻味香濃... 卷埋食又得, 返老還童攤開食就更好味...荷葉飯其實好正, 不過得2個人, 就算叫半包都太飽, 所以都係下次同多d親友來先叫