

呢間榕記車仔麵,好啱心水,門口見好多名人都嚟呢度食過,嗱嗱臨即刻入去試吓:)


裏面擺設都幾得意,有好多應該係老闆的漫畫肖像,都係唔好講咁多,即刻寫紙仔入單先

胡椒豬肚湯配三餸⭐️⭐️⭐️⭐️
胡椒嘅辣味加埋豬肚,係我至愛,點可以唔試,特登揀咗米粉,配呢個湯底應該特別夾



豬皮、冬菇、豬肚,信我,全部掂當

尤其是個湯底,鍾意食辣嘅朋友一定要試

另外呢個蒜香濃湯,唔係度度都有得食㗎

小食我哋order左個芝心粟米煎蛋,12元,完全唔使諗啦,粟米同蛋香,仲係即叫即煎,你唔係會唔試卦?
車仔麵始終係香港人至愛,亦係我嘅童年回憶,況且呢間車仔麵咁有水準,下次就算唔踩單車都會特登嚟食