榕記車仔麵 (已結業)

呢日老闆話九龍城有間車仔麵好好食，所以專登坐咗車出嚟食，一行六人。同司機講出名嘅車仔麵佢就知係榕記，個位置唔算喺九龍城大街都偏向舊啟德機場最入嘅街，可能咁餐廳唔算好多人，都幾大間坐得舒服。一坐低就見到有唔同色嘅點餐紙，原來係唔同湯底！🍜🍜🍜呢間出名嘅係佢嘅湯底，真係好特別出面唔係周圍有，例如有胡椒豬肚湯、雞絲碗仔翅湯、金蟲草野菌養生湯同酒香藥膳雞湯等。湯底加麵$28，麵類亦有9種揀，同埋最少叫2個餸，餸就由$8到$16不等，選擇都多嘅，但比起湯底就無咁Signature。選擇困難症🤔🤔🤔嘅我除咗麵底，湯底同餸都諗咗好耐，掙扎叫胡椒豬肚定碗仔翅，但驚太飽所以叫咗前者。🤔🤔🤔一試個湯就發覺好正，好濃胡椒🧂味，有丁點嗆喉嘅感覺好爽🤩，唔太俗，唔食得辣嘅我都食到，佢話你覺得太濃都可以幫你溝淡佢～叫咗幼麵都掛到啲湯，索到味，個湯真係無得輸，好味過出面嘅豬🐷肚煲，精華所在真係一淡都唔可以嘥。而且呢個湯底配埋豬肚絲(好味好爽)，等如叫多一個餸咁。😊雖然講到胡椒豬肚湯咁正🤤🤤，但同事叫嘅雞絲🐔碗仔翅湯都一樣無得輸，有啲後悔無叫到添，下次一定會自己嗌，佢仲會加威士忌🥃落去吊味，但略嫌酒味過重。另外有人叫金蟲草野菌湯，都幾清幾濃菇味🍄幾香。餸我就叫咗飛魚籽魚蛋腸同魚肉春卷，但呢兩樣應該都唔係自家整就無乜太特別。不過飛魚籽魚蛋腸本身就已經好好食😋，好彈牙好多魚籽，魚肉春卷就出面有層腐皮，幾唔錯。同事有叫到芝士粟米煎蛋同菜譜煎蛋，熱辣辣送上好好食😛芝士熔熔地好正👍🏻。另外順帶一提店舖到係有貼乜湯底配乜麵食係最好配搭，但我哋食完先見到🙈，而且店員好搞笑地喺上碗麵先話”你個野菌湯其實配白麵會好啲，唔會整油個湯喎”，但其實我哋落單時你同我哋講會好啲囉，仲可以改嘛。😅😅😅同埋店員講野比較串，我哋問多次配乜麵話，佢話”頭先咪講咗囉！”真係唔重覆🤣🤣🤣嗯其實我哋都係想下次識食姐，anyway，都會想再返嚟食碗仔翅湯底haha。其實諗返車仔麵嚟講都唔算平，但值的！…查看更多

根據「開飯喇」裡面的食店資料，港式車仔麵食店「榕記車仔麵」，分別在將軍澳以及九龍城開了兩間分店。雖然在將軍澳「寶琳」區裡面，一樣可以食到「榕記」的車仔麵，但是想食「碗仔翅車仔麵」還是得去九龍城。因為我上次在將軍澳分店「榕記車仔麵」裡面，無論如何去搜尋餐牌，還是找不到港式雞絲碗仔翅作為湯底的車仔麵。所以我後來再次從西貢趕到九龍城，就是為了嘗試「榕記車仔麵」裡面的「雞絲碗仔翅」。九龍城分店的「榕記車仔麵」，位於九龍城裡面的「打鼓嶺道」，在「賈炳達道公園」的旁邊，屬於位置偏向隱藏的港式車仔麵食店。另一方面，我發現九龍城「榕記車仔麵」裡面，原來放置了一部電視機。我第一次光顧九龍城分店「榕記車仔麵」的時候，就需要全程在塞着耳朵，在電視新聞臺的噪音底下，享用九龍城分店「榕記車仔麵」，淨麵底賣港幣二十八元的「雞絲碗仔翅」湯底車仔麵。「榕記車仔麵」限定食客光顧享用「雞絲碗仔翅」車仔麵，至少需要選擇兩款餸才行，「榕記車仔麵」「雞絲碗仔翅」裡面價錢最便宜的餸菜賣港幣八元一份，結果我選擇了賣港幣八元一份的「蘿蔔」。另一方面，原來九龍城「榕記車仔麵」的車仔麵餸菜裡面，是沒有「牛腩」這款菜式提供，只有同屬牛肉類食品的「肥牛」供應而已。不過對我來說，車仔麵還有肥牛肉可以選擇，已經是不幸中之大幸。所以我除了選擇，九龍城「榕記車仔麵」裡面賣港幣八元的餸菜「蘿蔔」之外，還選擇了賣港幣十二元的「肥牛」，整碗「雞絲碗仔翅車仔麵」價錢，最後變成了港幣四十六元正。在我第一次光顧九龍城「榕記車仔麵」之後，事隔兩個月之後我重臨九龍城，再次踏足「榕記車仔麵」店舖裡面之後就忽然發現，九龍城「榕記車仔麵」裡面的電視機已經再沒有播映新聞臺了。所以當時在選擇「雞絲碗仔翅車仔麵」的我，忽然感覺鬆了一口氣，就立刻對「榕記車仔麵」自助點餐紙裡面其他的食品，勾起了強烈的試食慾望。對於個人向來喜好「重口味」，偏好食港式雞絲碗仔翅小食的我，當下就立刻選擇了「榕記車仔麵」「雞絲碗仔翅湯底」車仔麵自助點餐紙裡面，獨立售價港幣二十八元的大碗裝「雞絲碗仔翅」。至於九龍城店「榕記車仔麵」裡面的飲品，原來飲品款式的選擇非常之多，不同味道不同款式應有盡有，甚至一度令當時的我，有選擇困難症「復發」的危機出現。幸好我反覆檢查「榕記車仔麵」的自助點餐紙之後，終於發現原來「榕記車仔麵」還有僅售港幣三元，價錢十分便宜的樽裝「飛雪水」可以選擇，「飛雪水」價錢跟即提供的「白開水」還是一模一樣。所以對於我來說，平日都需要隨身攜帶一支水，方便在外面需要食藥的時候，仍能有水在手方便送藥，所以我忘記了「榕記車仔麵」所有可以提供的飲品，直接選擇飲樽裝水好了。說到九龍城「榕記車仔麵」裡面店員的服務態度，其實當時「榕記車仔麵」裡面就只有一個年紀不小的男人，作為「榕記車仔麵」的收銀兼送餐的店員。所以當時那位負責為「榕記車仔麵」看店的男人，一看見我的自助點餐紙，就立刻好奇問我，是否真的想選擇單點「雞絲碗仔翅」，我認真地回答他「是」。「榕記車仔麵」裡面的男店員，在大約十分鐘過後，立刻從廚房裡面，端着一大碗的「雞絲碗仔翅」食品，跟樽裝「飛雪水」一起送到我的檯面面前。「榕記車仔麵」男店員在端着大碗裝「雞絲碗仔翅」出來送給我的同時，「雞絲碗仔翅」旁邊還有一支中等體積的膠樽裝「飛雪水」飲品。至於「榕記車仔麵」侍應在送上單點湯品大碗裝「雞絲碗仔翅」的時候，「雞絲碗仔翅」旁邊還有一支平日喝「碗仔翅」的時候，必備的調味樽裝醋。單點版本的「榕記車仔麵」「雞絲碗仔翅」碗仔翅裡面的雞味十分濃厚，還有很重類似醬油的鹹味。我再加入醋進入「雞絲碗仔翅」裡面之後，「雞絲碗仔翅」的味道就立刻變成了，來自醋的酸味。至於「榕記車仔麵」裡面的單品「雞絲碗仔翅」，碗仔翅的口感偏向比較稠身，碗仔翅在入口之後，我感覺「雞絲碗仔翅」裡面的雞肉原味非常之濃厚，雞肉碗仔翅鹹味味道，支配了「雞絲碗仔翅」裡面的整體味道。至於九龍城「榕記車仔麵」「雞絲碗仔翅」車仔麵裡面的麵條，我最後選擇了價錢相對比較昂貴的「上海粗麵」。「上海粗麵」質地果然「麵如其名」，麵條粗身之餘而且口感出乎意料地有咬口，不會太腍。另一方面，「上海粗麵」把「雞絲碗仔翅」裡面的鹹味都吸收了過去，所以「上海粗麵」裡面的味道，充滿了「雞絲碗仔翅」裡面的雞肉甜味，還有碗仔翅裡面的醬油濃郁鹹味。由於「雞絲碗仔翅」裡面在所難免地，會夾雜不少雞絲，所以我拿着筷子，隨手夾起一箸「上海粗麵」，立刻發現「上海粗麵」身上依附了很多鹹味雞絲，雞絲的口感煮得頗腍。所以我覺得在九龍城「榕記車仔麵」裡面，不需要刻意再為「雞絲碗仔翅車仔麵」裡面的餸菜，另外選擇例如「雞中翼」、「雞翼尖」、「鮮雞柳」等等食品了。至於「榕記車仔麵」「雞絲碗仔翅車仔麵」裡面的另一款餸菜，「蘿蔔」的口感也被「榕記車仔麵」廚房煮得非常之腍身。至於「蘿蔔」的味道，算是吸收了「雞肉碗仔翅」裡面的鹹鮮味。不過，或許可能因為「蘿蔔」跟「上海粗麵」，以及其他配料本身在「榕記車仔麵」廚房烹煮的過程期間，容易出水的關係吧，所以「蘿蔔」間接令到「雞絲車仔麵」碗仔翅的鹹味，間接被水份稍為沖淡了一點點。至於煮得頗腍的「蘿蔔」，我覺得最好還是，儘量在「雞絲碗仔翅車仔麵」的湯底裡面浸淫多一會兒，等到「蘿蔔」吸收大部分「雞絲碗仔翅」裡面的雞肉鹹味，然後才享用可能更好。由於「雞絲碗仔翅」車仔麵的湯底，味道因為被其他配料和「上海粗麵」滲出來的水份稍為沖淡，所以車仔麵裡面的「雞絲碗仔翅」湯底味道會偏向比較淡，不過這樣對於一些不好重口味的人來說，或許也是求仁得仁。事實上，「榕記車仔麵」「雞絲碗仔翅」裡面的用料，原來也都非常之豐富，除了雞絲之外，還有木耳絲跟冬菇絲等等的配料，所以「雞絲碗仔翅」裡面配料多得密麻麻，加上麵條後更顯得擠迫。我在九龍城「榕記車仔麵」裡面，食完一大碗有不少配菜的「雞絲碗仔翅」湯底車仔麵之後，發現原來「榕記車仔麵」「雞絲碗仔翅」若然什麼都不加，實際的味道可能會變得太鹹。正如「榕記車仔麵」裡面疑似店主的看店男人，也對當時的我忽然再點一碗單品淨食「雞絲碗仔翅」食品，感到有點摸不著頭腦。我覺得九龍城「榕記車仔麵」「雞絲碗仔翅」車仔麵味道的確夠濃，有足夠的鹹味。不過「雞絲碗仔翅」的味道偏鹹，以「車仔麵」方式享用「雞絲碗仔翅」，味道比淨食「雞絲碗仔翅」更可行更實際。…查看更多

今日機緣巧合之下，去左榕記車仔麵食晚餐，老實講如果唔係睇到openrice佢ge好評幾多，都應該唔會去食，因為門面和裡面裝修都唔太吸引。晚上6點幾去到，入面只有我和男朋友兩個客人。menu簡單清晰，唔同湯底分開左唔同ge顏色紙，而餸菜選擇都一樣。酒香藥膳雞湯呢到最出色ge就係湯底，飲得出係用心去整，唔係求求其其。個人偏好藥材味，所以就揀左酒香藥膳雞湯底:)，個人覺得入口味道淡左d，不過咁樣小朋友都會食得到。餸菜方面，就揀左雞翼尖、百葉豆腐、芝心粟米煎蛋。雞翼尖係普遍滷水雞翼尖，冇咩特別；百葉豆腐好少車仔麵店會有，完全係索哂個湯底，所以百葉豆腐配任何湯底都好適合。芝心粟米煎蛋開頭第一啖咬落去，都冇咩特別咁，再咬多幾啖，就會食到一粒粒粟米，同埋裡面有流心芝士，食完覺得好滿足，好有家的味道。胡椒豬肚湯男朋友就揀左胡椒豬肚湯底，裡面仲會有幾舊豬肚，入口真係好重胡椒味，真心正！至於餸菜，就揀左沙爹魷魚、麻辣鱈魚丸、魚肉春卷。沙爹魷魚不過不失；魚肉春卷就好似南記ge質素，入口q彈；最有驚喜係麻辣鱈魚丸，我同男朋友都係第一次食，估唔到裡面ge餡又真係幾辣下架喎！…查看更多

一直都想去試試屋企附近號稱九龍城no.1的車仔麵。收工路過見無乜人，就入去試試。望左一陣order紙最後叫左酒香藥膳雞湯底，河粉，蘿蔔，豬腸，牛腩湯底確實唔錯，幾濃郁，牛腩燜得幾好；河粉雖然唔斷，不過唔夠滑身；蘿蔔就一般啦，唔甜，有些少渣；豬大腸基本上係冇鹵水味淡而無味，總體分量就認真少左d。反而覺得牛腩幾好，下次可以試試咖喱牛腩飯。…查看更多

呢排天氣悶熱，真係無咩胃口食飯湯麵之類濕地地就最適合今次選擇港式車仔麵當然唔係普通車仔麵就滿足到我依一間懷舊式裝修車仔麵我就特別推介早午市都經常高朋滿座叫咗個油麵，餸就揀咗豬皮豬腸同豬紅加腩汁再加咗個小小辣另外叫咗杯熱奶茶食物好快整好，等左5分鐘就有一開始試試湯先。湯底一啲都馬虎是豬骨湯底加腩汁，再加埋秘製辣醬。真的十分惹味豬腸幾好味，夠肥美，卤得夠入味豬皮煮得入味有嚼口。豬皮吸曬腩汁同辣湯，正！豬紅味濃，又令人更開胃軟腍到幾乎入口即化配埋麵食。好滿足熱奶茶都係一般既質素，唔係特別香滑。奶味亦唔係特別重，茶味都較淡。員工嘅服務態度都好好，環境方面雖說地方細細，食店都保持乾淨整齊都坐得好舒服，都唔會坐得太迫。 價錢又適中…查看更多

踢波⚽關係，每週都係九龍城開飯🥢 幾次想幫襯榕記，但佢門口寫住胡椒豬肚湯😕，酒香藥膳麵😒，又吾是賣飛弗，今日lunch 的起心肝极下食評，全線好評既😯 呢啲陳設咁似海關話罰你錢同順豐叫你領件一樣伏味重重😲最終的起心肝去幫襯，舖頭係街尾方便停車（九龍城優點👍），打開「胡椒豬肚湯」同［酒香藥膳雞」對聯中間既趟門，走進呢個溫馨小天地🤗 小店真係好家庭feel, 有部電視播viu tv韓劇（記住唔係反智tvb), 仲有我最愛高達模型，同個小書櫃放下漫畫放下酒🍷🍾🍸枱面有五色點餐紙🌈，代表唔同湯底既麵紙，淆底怕伏既香港人心理軀使下，揀咗風險程度為低既雞絲🐥碗仔翅湯底，加貢丸，肥牛🐂，魚皮餃🐟，仲有佢出名既芝心🧀粟米🌽煎蛋🥚，仲有跟咗我最愛既粗麵點知轉個頭老闆黎放低咗枝醋仲有枝油，名叫溫柔😂😂：佢提醒我翅底加粗麵會太杰，最好改烏冬，公仔麵等🥰🥰碗熱麵上枱，老細再問要唔要加滴酒🍾話好食啲😍😍 加完同我講係威士忌，好彩應該係過到吹波仔既濃度😂😂呢啲溫油小動作，睇得出店家唔係單純想賺你錢🤑 係想客食到最好味既食物🙌🙌碗仔翅盛載住公仔麵，攪起黎杰達達😲但公仔麵無煮到淋下，係啲翅中間穿插，每啖都有麵既彈牙🤩，翅既雜香😍 餸應該都係來貨，唔差👍 貢丸，魚皮餃都係鮮；肥牛用得幾靚，肥瘦合適本來以為大滿足o趙晒碗麵，此時一道剎氣降臨，係芝心粟米煎蛋💘 賣相無乜特別，蛋卷一個，咬落去竟然係芝士撻既香味🥳🥳仲混合咗粟米既爽脆，好耐無呢份感動，明白到店家要小心翼翼處理芝士熟度，係啱啱好係蛋內流動，又唔會流出👍😲🤩😍嘆完碗仔翅，麵，餸，芝士蛋後，意猶未盡，加多罐無糖可樂坐一坐等美味烙印係舌頭上👅埋單89，可能你覺得貴，但我覺得超值，一定會回頭大膽啲試埋其他湯底😂…查看更多

今日星期日就近近地去九龍城食晚飯，男朋友話想食車仔麵，就諗起呢間之前食過嘅車仔麵都唔錯， 食完唔覺有味精😅我叫咗一個豬紅，生菜，魚肉春捲米粉配唔辣嘅沙爹汁男朋友叫咗一個豬皮，魷魚，菜脯煎蛋幼麵配少辣嘅沙爹汁 (佢唔夠飽仲叫咗個雞絲碗仔翅🙈)生菜唔會太熟太淋都脆脆地口， 魚肉春捲個樣唔係好吸引不過食落都ok， 豬紅還好唔算特別滑，個沙嗲汁幾香既，米粉索咗啲汁都ok試左男朋友個魷魚同菜脯煎蛋，魷魚辣辣地唔韌啱啱好， 老闆話菜脯煎蛋係必試，今次終於試咗啦！個菜脯煎蛋都真係幾香口，唔錯👍👍份量都算少 ，不過下次可以試下其他湯底，例如藥膳同埋胡椒豬肚😀…查看更多

九龍城到底有多少好吃的？看我豬頭一樣的臉蛋就知道了[悠閒] [悠閒] [悠閒]真正的香港，在九龍城......每50米就能遇到一家讓你贊不絕口的店。而且，在這裡，絕對不會踩雷！有朋友說，九記牛腩是香港最***的牛腩。其實，那是因為你沒來過九龍城的榕記車仔面[陰險]為啥車仔面店能有如此高品質的牛腩出品？凡事，只要用心了，都能非比尋常。對了，他們的碗仔翅，值得讓我改簽火車票，因為週六才有得賣.😉😉😉…查看更多

為了它的胡椒豬肚湯底慕名而來，但湯底只有辣味，無胡椒的香，與潮州的胡椒粒豬肚湯相差很遠。價錢比較貴，份量比較少。但它的麻辣鱈魚丸不錯，外皮彈牙，內裡是麻辣肉餡。只需要試一次，無特別需要再訪，周遭還有其他特色麵店。…查看更多

話說今日入去試車仔面，落單自己落正常呀，埋單去櫃面比都正常，坐低等野食自己拎冇問題，但喝人出黎拎野食喝到我覺得自己好似狗咁，比漏左餸同佢地講好似我唔岩咁，又大聲喝我去拎餸，出出入入的次數好似我係到做多過佢似，佢就坐係到咩都唔做係咁係到大叫指揮我去來來回回拎野食同找錢！野食我唔評論因爲我都比佢喝到我冇心機，講咩都對佢唔公平！所以只係想講我唔係要人服侍但都唔係比錢你黎喝我做野！！！…查看更多

通常食車仔麵個湯底都係有味精，而只有清湯，沙嗲，同清湯加腩汁嘅選擇。但係鏞記車仔麵檔，你就有胡椒豬肚湯，碗仔翅，蒜汁濃湯等等比你任君挑選，仲要食完完全唔口喝❤️ 店長仲要將同每一項湯底最夾嘅配料配襯方式寫晒出黎貼係牆上！正！魚子腸一定要試。彈牙爽口！…查看更多

朋友知道我喜歡胡椒湯，就特地去介紹我來這家店一試，那我們就決定來個早一點的晚餐去試試！店舖也不算太難找到，店外已經見到有旗仔寫了胡椒豬肚湯😬所以在對面也不難找到😬店內有一些裝潢而且有介紹那個湯配什麼是最好食🤗當然自己配搭也可以👍🏻我們就選擇了胡椒豬肚湯底配米線、蘿蔔、菜脯煎蛋👍🏻另外一碗就選擇了蒜香湯濃麵配油麵、飛魚籽魚旦腸、麻辣鱈魚丸👍🏻👍🏻兩款麵非常好味，我們連湯也喝完✌🏻✌🏻另外老闆也非常好，我們還和他暢聊一下:)…查看更多

星期六要搵好野食獎勵自己去openrice睇吓有咩好食，見到有間喺九龍城，叫‘’榕記車仔麵‘’評價又幾好，所以出發去試一試。入到去就見到得意畫作試咗胡椒豬肚湯同埋姬松茸蟲花湯:)個湯好係好正濃汁既餸會分碗上，睇得出老闆係想食客用心感受個湯底:)菜脯煎蛋又係出奇地咁好食飲品方面，試咗姜汁好立克同埋菠蘿梳打，再次感受到老闆對飲品都咁用心兩杯都好正好味到連湯都飲埋:)最後，加多碗碗仔翅做個總結，足料既碗仔翅既地方真係買少見少，真係好耐無食過咁好食既碗仔翅又係超值得一試…查看更多

好多朋友都有介紹依間車仔麵比我，其實自己都想食好耐，依到除咗湯頭特別之外，啲餸望落仲好高質，點可以唔試㗎！你睇下有咁多藝人捧過場。睇下睇下！啲湯底唔止特別，有啲款仲好健康啊。我揀咗藥膳雞湯飯，配菜係春卷、雞翼同豬軟骨。上枱啦 原來都幾大碗㗎喎！餸嘅份量都唔少㗎。雞中翼好入味，肉又唔柴仲幾滑添喎，魚肉春卷吸曬湯嘅味，入而嘅肉魚好彈牙，咬落去有少少爆汁嘅感覺。湯底真係真材實料，有人蔘、紅棗、杞子等等，湯底飲落好補，藥材味濃郁，唔會好重雞油味，飲完覺得自己好健康，底下啲飯粒粒分明吸收咗湯嘅精華，再一啖送入口，正。個湯好清澈，好濃好好飲。五香豬軟骨煮到好入味好軟嫩，完全唔會過鹹，軟骨位好脆口，唔會硬到咬到牙痛。朋友叫嘅油麵加胡椒豬肚湯，胡椒豬肚湯好正，夠胡椒又夠辣，仲要有幾塊豬肚係入面。餸嘅份量好多呀，食到好飽。好推介依間車仔麵比大家，湯底好健康，仲要出面無得揀嘅湯飯依到都有，同埋食完飲曬湯完全唔會口渴，無味精好抵讚。…查看更多

好多人同我講「越平凡食物，越難煮得更出色。」車仔麵好多香港人都食過，幾樣餸拼湊一碗車仔麵，要做到不馬虎不是易事。湯底絕對係重要嘅一環，呢度有唔同嘅湯底可以選，而最出名嘅，就係胡椒豬肚湯，同埋酒香藥膳雞湯。我同友人，都比呢度嘅食評，大讚嘅胡椒豬肚湯底吸引左，所以一定要嚟一試。呢度嘅胡椒豬肚湯，絕對唔馬虎，同出面專賣湯水嘅鋪頭相比，質素有過之而無不及，以咁嘅價錢，十分超值。餸方面，我揀咗蘿蔔，沙嗲魷魚，豬軟骨有醬汁嘅會分開上，唔會影響湯底嘅味道，加分。蘿蔔好清甜，豬軟骨炆得好淋好入味，而沙嗲魷魚好爽口。豬肚係本身湯底已包，唔使額外點，好味道。芝心粟米煎蛋，煎得脆皮嘅蛋，包住粟米同埋芝士，切開嘅時候流心狀態，每啖好有層次感，芝士味好出，必食推介甘草鹹柑桔臨走嘅時候見到呢個相片架，原來有咁多明星嚟過…查看更多