聚聚 (已結業)

一早訂左位，去到張枱竟然係非常之迫；令到每次食飯都會開支酒嘅我地，完全被狹窄嘅環境攪到無mood飲酒；只係想快D食完快D走﹗叫左個2人餐；嘢係好食嘅；尤其個酸菜魚，好少地方能夠做到酸辣平衡，而且D魚仲要係好滑，令到平時對酸菜魚無乜興趣嘅我，都食左好多舊﹗另外，個椰皇燉珍寶花膠，真係無乜研究，舊花膠原來可以咁大舊，雖然有少少腥，但都可以接受﹗不過不如取消個現場火焰表演啦.....地方又窄，環境又迫，枱枱都叫.....唔夠5分鐘總會係你附近表演一次；完全係聞到個陣味，同埋你會feel到係熱嘅；我真係好怕....如果萬一有什麼意外，其實會可以好大鑊﹗