影片
更多
2020-10-12
3242 瀏覽
成日揸車搭車，路過都會見到呢間Mr.Crab。但因為地理位置問題，又唔近工作嘅地方，更加唔近屋企，所以一直都冇機會試。但每次行過見到，其實都覺得好吸引。今日放假同男朋友行街，終於都的起心肝過嚟試吓。一上到黎，就見到好多人枱面都有一袋二袋Shake Shake海鮮，望落好吸引，但因為我哋食咗下午茶嘅關係，今日就無緣一試，怕食唔晒。白酒忌廉青口一向都係好考功夫嘅一味菜，試過好多間，質素都唔理想。但Mr.Crab既經典白酒忌廉青口，真係煮得非常好，青口好新鮮，而出邊餐廳最容易犯嘅錯誤，佢哋都處理得好好，白酒同埋忌廉嘅味道控制得好好、好平均，入味之餘青口唔會煮到好老，汁香滑味濃又唔膩，絕對高質。另外我哋嗌左脆炸牛油果，以為得海鮮新鮮，佢哋連啲牛油果都非常新鮮，外脆內軟，完全冇 over cooked 而主菜我哋嗌左美國炭燒醬豬肋骨，豬肋骨上面塗滿炭燒醬，肉質鮮嫩，燒得剛剛好，非常惹味最後我哋叫多咗一個意大利飯，意大利飯俾人嘅感覺一般都係非常膩同滯，一啖起兩啖止，但其實只要醬料同烹飪時間控制適宜，意大利飯絕對係食唔停口嘅一道美食。以佢哋嘅意大利飯，正正做到呢一點，非常好食總括嚟講，呢間店絕對冇令
一上到黎，就見到好多人枱面都有一袋二袋Shake Shake海鮮，望落好吸引，但因為我哋食咗下午茶嘅關係，今日就無緣一試，怕食唔晒。
白酒忌廉青口一向都係好考功夫嘅一味菜，試過好多間，質素都唔理想。但Mr.Crab既經典白酒忌廉青口，真係煮得非常好，青口好新鮮，而出邊餐廳最容易犯嘅錯誤，佢哋都處理得好好，白酒同埋忌廉嘅味道控制得好好、好平均，入味之餘青口唔會煮到好老，汁香滑味濃又唔膩，絕對高質。
另外我哋嗌左脆炸牛油果，以為得海鮮新鮮，佢哋連啲牛油果都非常新鮮，外脆內軟，完全冇 over cooked
而主菜我哋嗌左美國炭燒醬豬肋骨，豬肋骨上面塗滿炭燒醬，肉質鮮嫩，燒得剛剛好，非常惹味
最後我哋叫多咗一個意大利飯，意大利飯俾人嘅感覺一般都係非常膩同滯，一啖起兩啖止，但其實只要醬料同烹飪時間控制適宜，意大利飯絕對係食唔停口嘅一道美食。以佢哋嘅意大利飯，正正做到呢一點，非常好食
總括嚟講，呢間店絕對冇令我哋失望，上菜時間雖然慢少少，但我相信呢個亦都係佢哋保持食物質素嘅要訣之一。下次一定要試埋佢哋個Shake Shake海鮮。
張貼
