古早牛肉麵 (已結業)

店名係台灣麵，但我係無點到台灣麵食物，絕對唔係標題黨下午茶時間去食，啱啱食完飯無耐，突然想食台灣嘢（吃貨人生就係咁），於是就即興走左入去食，裝修很有台灣的味道同風格，裝飾擺設都帶有台灣地道術語，可惜我無影到相。入正題，中意食米粉嘅我見到新竹炒米粉，點會放過佢，於是我就係牛肉麵，鹽酥雞扒同炒米粉之間掙扎左一陣，最後新竹米粉勝出，米粉真係超級幼，絕對啱曬我😆，其次點左個綜合甜不辣同埋宜蘭蔥肉餡餅，再加杯熱柚子蜜，無錯係熱的，我唔中意凍飲，就算係夏天我都係叫熱飲。呢間係深水埗黃金附近，我坐低無耐已經有人等位了，如果想食台灣嘢但而家又去唔到台灣，特別係呢啲老人區，呢間絕對係一個唔錯選擇，我會返兜。