京林屋

綠茶產品鋪頭開到周街都係，掛羊頭賣狗肉何其多，真係好食既又唔係咁多，今日行開希慎，女人經過話要食烏冬(真係烏冬唔係甜品牙)，就行左入去成日經過都唔食既京林屋。

入都去會有限時，要當做三五知己吹水地就唔好諗啦。坐係卡位，私人空間感足夠，不過唔係太舒服。

讚歧烏冬

$68

女人話要食烏冬，就點左個讚歧烏冬($68)，再加多個林屋抹茶巴菲($88)。烏冬上的兩塊魚餅份量頗大，味道帶點點鮮味，唔夠彈牙。烏冬彈牙，但湯底淡而無味，浪費了好烏冬，仲要份量少，預你食完烏冬要再食甜品。

1

林屋抹茶巴菲

$88

林屋抹茶巴菲

雪糕抹茶味濃，仲有綠茶既甘香，唯一可惜是雪糕未夠滑，但已經係抹茶控必食之選。紅豆唔太甜，不過唔夠香，可以配合雪糕一齊食，增加口感同味道。抹茶啫喱頗濃既抹茶味。丸子意外未有吃到=.=’’’’(他在地上呀ORZ)。忌廉味道適中，唔會太甜，但依然是唔夠滑。

甜品上，抹茶味道係值得一食，抹茶迷必要一食，價錢偏貴。熟食就可以唔食，性價比唔值。