影片
更多
2018-07-17
441 瀏覽
今晚朋友提議去試試新城市廣場新開「亞蘇爾澳門菜」，所以，晚上八點十幾分完全唔洗等位。店員帶位入坐，一打開餐牌，咁就送我一粒飯粒（見圖：「註：飯粒在漢堡包底」）⬇️跟住我哋睇完餐牌叫咗以下幾樣餐點⬇️菠蘿辣肉腸鮮蝦馬介休咖喱炒飯 $118 ⬇️食後感： 炒飯夠火喉，生菜絲、咖哩味、辣肉腸、菠蘿、鮮蝦味道都好出，但係完全食唔到馬介休味。推介指數： 7/10咖哩B牛坑腩 配 香草蒜蓉包兩件 $118 ⬇️食後感牛坑腩炆煮好淋，薯塊明顯有炸過，外脆內軟，咖哩汁是印式味道，但係一味死辣，咖哩唔係炒得唔香，另加入大量芫荽在汁內，其實有好多人對芫荽過敏。 另外配兩件香草蒜蓉包，其實我目測見到係芝士蒜蓉包，不過麵包本身吹咗冷氣，麵包乾到好似洗碗海綿咁硬，浸入咖哩汁好耐都仲係好硬，唔好食！推介指數 咖哩B牛坑腩 6/10香草蒜蓉包 2/10亞蘇爾小食拼盤（2人用） $162 ⬇️包以下五種小食—》 芝心馬介休球—》 辣肉腸芝士脆多士—》 霹靂魷魚—》 黑醋豬手—》 香草烤意瓜食後感芝心馬介休球 —》 炸得唔夠脆，完全冇馬介休味，太多水份是炸薯波夾芝士。辣肉腸芝士脆多士 —》多士面有一團黑松露醬，辣肉腸芝士一
店員帶位入坐，一打開餐牌，咁就送我一粒飯粒（見圖：「註：飯粒在漢堡包底」）⬇️
跟住我哋睇完餐牌叫咗以下幾樣餐點⬇️
菠蘿辣肉腸鮮蝦馬介休咖喱炒飯 $118 ⬇️
食後感：
炒飯夠火喉，生菜絲、咖哩味、辣肉腸、菠蘿、鮮蝦味道都好出，但係完全食唔到馬介休味。
推介指數： 7/10
咖哩B牛坑腩 配 香草蒜蓉包兩件 $118 ⬇️
食後感
牛坑腩炆煮好淋，薯塊明顯有炸過，外脆內軟，咖哩汁是印式味道，但係一味死辣，咖哩唔係炒得唔香，另加入大量芫荽在汁內，其實有好多人對芫荽過敏。 另外配兩件香草蒜蓉包，其實我目測見到係芝士蒜蓉包，不過麵包本身吹咗冷氣，麵包乾到好似洗碗海綿咁硬，浸入咖哩汁好耐都仲係好硬，唔好食！
推介指數
咖哩B牛坑腩 6/10
香草蒜蓉包 2/10
亞蘇爾小食拼盤（2人用） $162 ⬇️
包以下五種小食
—》 芝心馬介休球
—》 辣肉腸芝士脆多士
—》 霹靂魷魚
—》 黑醋豬手
—》 香草烤意瓜
食後感
芝心馬介休球 —》 炸得唔夠脆，完全冇馬介休味，太多水份是炸薯波夾芝士。
辣肉腸芝士脆多士 —》多士面有一團黑松露醬，辣肉腸芝士一齊放係多士上焗，味道非常好，麵包其實冇焗得脆，但係起碼麵包質地係淋容易入口，小食拼盤𥚃最好食嘅食物。
霹靂魷魚 —》 係韓式辣魷魚整法，魷魚唔新鮮，一咬落去魷魚係淋嘅，唔好食。
黑醋豬手 —》 黑醋同豬手味道好夾，有三塊迷你豬手，舊舊都係皮同肥，完全冇肉。
香草烤意瓜 —》 烤Zucchini兩片，一片係黃色，一片綠色，沒有Grill味，但意瓜鮮甜，ok。
推介指數
芝心馬介休球 5/10
辣肉腸芝士脆多士 8/10
霹靂魷魚 4/10
黑醋豬手 4/10
香草烤意瓜 7/10
————————————————————
原本想最後叫埋甜品，但係冇信心比咧次機會佢哋，亞蘇爾澳門菜菜式選擇小，價錢略貴，食物質數及新鮮度略差，同我成日去澳門食嗰啲餐廳好唔同，難怪夜晚八點幾唔洗等位，完！！！
張貼
