kikusan (已結業)

遲來的生日飯當然揀我最喜歡的日本菜，今次揀咗間幾有趣的日本餐廳，除咗日本菜外仲可以揾到其他菜式，例如上海及泰國菜式。餐廳寬敞，座位闊落，環境舒服。順帶一提餐廳不提供訂位服務，而當日六點半到達餐廳不用等位，但到七點半就見門外開始等位。雖然餐廳以日本菜為主但小籠包確實不錯，皮薄餡靚，肉汁鮮甜，餡料不會有大量肥膏，不油不膩，但緊記要襯熱食。串燒燒得香脆不會乾每件壽司除新鮮外仲有新穎嘅配搭，三文魚加上香草、吞拿魚加上黑白芝麻、帶子加上黑松露醬、左口魚裙邊加上千島醬，而當中嘅Kikusan卷係青瓜卷加上海膽、免治拖羅及三文魚籽，整個拼盤都味道不錯。野菜天婦羅炸得鬆脆，內裡的洋蔥、青椒及紅蘿蔔絲鮮甜唔會炸到乾憎憎，炸豆腐嫩滑豆味濃，芝麻醬汁香濃。可惜烏冬有少許硬不夠煙韌。外皮煎得香脆，內裡煙韌。加上花生、砂糖及黑芝麻非常香口。