羽壽司 (已結業)

今日我地一家人游完水就黎左羽壽司食野,由於小朋友鍾意坐迴轉枱,待應生好快就安排位置比我地,小朋友見到自已鍾意既野就自已拎,我同老公就order其他野食,其中有冷稻庭烏冬啦,甜甜地凍冰冰,加少少蔥,紫菜,夏天食真係唔錯！唔錯！之後仲有個特價曼魚壽司啦,呢個真係超抵食,$10一件,食左咁多野,但係個軟殼蟹手卷仲未黎,搵左個待應姐姐幫我睇睇啦,佢仲同我講軟殼蟹即叫即炸,要等耐少少喎,GOOD！話口未完,師傅已經拎左個手卷比我！！軟殼蟹熱辣辣+紫菜脆卜卜,讚x10,下次黎一定要再叫！！！