羽壽司 (已結業)

前一日同同事食過壽司,今日又來了羽壽司,天時咁凍,我真係想食d熱辣辣既野,我都認命,壽司就壽司,橫豎都係我最愛,呢個好正~紫菜夠脆,三文魚夠凍,d汁小小酸,辣辣地,就咁食,唔洗加芥辣同鼓油,仲好味~意料之外~~食左小小壽司個人都凍凍地,飲返啖茶又不見得暖返幾多,差唔多時間......日式火鍋~~~係咁既天氣之下真係無敵,"熱""辣辣"$68一個鍋,我都又加左烏冬,!!!!大滿足!!!!!!

曾經... 我是羽壽司的忠實FANS...咁多間羽壽司仲要最鐘意就是長沙灣這間...食左佢兩年, 望住D價錢一路加, 但係質素一次比一次差, 真係好唔開心...今晚來到, 全場大約得10個客侍應問左3次試唔試即場新鮮做既立魚壽司...其實上次黎已經見過一次, 塊魚好薄, 所以今次都冇打算叫~問完一次又一次, 我唔知係咪我個樣太好人, 所以就夠膽問完再問...比著某D客, 俾人咁樣煩3次, 應該已經鬧左人...蟹子沙律比起以前食細左一半都唔止...三文魚OK... 但由最初$9加到$12一客...唔抵...皇帝蟹柳, 鰻魚, 波士頓卷同以前差唔多... 分別加左$2...花之戀雖然好似只係加左$1... 但又係細左一半... 一個男仔可以兩件同時放入口都食得哂...南瓜三文魚頭湯比以前少左料...如果佢再唔改善返D質素, 肯定好快就見佢唔到......唔係想儲埋淨返D分, 我諗我唔會再黎~

今日比平時出街出夜左,所以就去左呢到食晚餐去到唔洗點等就坐得低,諗好哂落單果下開始有經理開咪推介即劏活魚壽司,即刻叫番客試下先.唔知係咪因為新鮮呢,我食得好開胃不過D軍艦壽司唔係太好,可能係放得耐左?紫菜有D稔..侍應介紹野果陣時有少少長氣...

記得上個禮拜五系同男朋友拍拖一週年既大日子,所以就去左長沙灣個間羽壽司到食野慶祝.一入到去就有侍應姐姐問我地幾位 然後就帶左我地去坐卡位 估唔到星期5刀唔洗等就有位.埋位之後侍應就好快咁汁茶比我地..效率好高.. 同男朋友點左d特價壽司食!包括:原條海曼..皇帝蟹棒黎食 牡丹蝦刺身.. then d侍應就問我地食唔食醬汁燒三文魚 話宜家做緊特價10蚊兩件.見咁抵我地就order左兩客黎食 估唔到原來刀幾好食..後尾..聽到個經理哥哥開咪推介活魚 20蚊一客有兩件..之後我地就order左一客..食落真係好新鮮 好正.. 下次一定會再黎食過..又好食又抵..服務又好..簡直不得了!下次再黎過既時候.一定要帶晒成班親戚黎幫襯..

今日我地一家人游完水就黎左羽壽司食野,由於小朋友鍾意坐迴轉枱,待應生好快就安排位置比我地,小朋友見到自已鍾意既野就自已拎,我同老公就order其他野食,其中有冷稻庭烏冬啦,甜甜地凍冰冰,加少少蔥,紫菜,夏天食真係唔錯！唔錯！之後仲有個特價曼魚壽司啦,呢個真係超抵食,$10一件,食左咁多野,但係個軟殼蟹手卷仲未黎,搵左個待應姐姐幫我睇睇啦,佢仲同我講軟殼蟹即叫即炸,要等耐少少喎,GOOD！話口未完,師傅已經拎左個手卷比我！！軟殼蟹熱辣辣+紫菜脆卜卜,讚x10,下次黎一定要再叫！！！

一行3人(我, 媽媽, 表妹) 入座後點了數款食物, 有定食及壽司, 侍應來回數次告訴我們午市沒有原條海鰻魚壽司, 再隔一會又跟我們說午市沒有魚生飯供應, 又再一會再跟我們說沒有帶子叫我們轉珍寶帶子. 其後跟我們說午市沒有魚生飯的那個侍應又走回來說午時原來有此供應 (唔明點解做壽司就有刺身同飯, 魚生飯又係這些材料反而沒有!?) 其實如果係什麼也沒有大可考慮只做晚市, 何苦來回數次令人失望?所以食物未到前, 我們已大感掃興, 食物來了我們更大為失望, 鰻魚拉麵好像沒湯一樣; 跟餐附送4件壽司賣相欠佳, 其中三文魚色澤更是有欠新鮮. 其後大部份的壽司, 飯都是冷冰冰; 其中鰻魚壽司 (午時沒有原條的, 但有普通的) 那條鰻魚不是刺身吧, 但跟其他壽司上的刺身一樣涷. 我們3個人都很喜歡吃壽司, 亦光顧了很多不同的店舖. causeway bay + Mong kok HA-NE 分店都曾光顧, 本身亦是其會員, 今次質素味道皆很差, 第一次有不想吃壽司的感覺.

價錢唔算貴，四十幾蚊有個日式午餐，送燉蛋+湯+凍飲，茶餐廳食個爛鬼午餐叫埋凍飲分分鐘都要四十蚊啦。食物質素方面，壽司定食d魚生同午市定食就一般，不過咁既價錢又坐得舒舒服服都算過得去啦。

一年一渡父親節,今晚就一家人嚟咗呢間羽壽司7點鐘已坐咗八成(可能因為父親節)一坐低,侍應好快就俾茶,跟住就向我哋推介醬汁燒三文魚壽司(特價$10/客),ORDER咗兩客,燒得幾香,配合埋啲汁,都幾特別另外ORDER咗其他嘢三文魚壽司:$10/客,但都唔會好薄,而且幾新鮮珍寶帶子壽司:超大隻,而且好鮮甜芝士皇帝蟹柳沙律軍艦:好重蟹柳味,正特大原條海鰻壽司:特價$10/件,抵食,ENCORE叫多兩客正當睇緊MENU考慮再食乜嘅時候,特然聽到好大聲嘅(依啦SA YI MA SEY),望過去見到經理揸住枝咪推介特價食品,鹽燒三文魚鮫,啱啱燒起,梗係試啦,$20大大件,抵,而且好好味過多10分鐘,經理又開咪,呢次推介即劏活魚壽司,石蚌$20/客,叫咗兩客,真係好新鮮隔籬枱仲叫個經理埋去問石蚌即係咩魚,佢都好耐心咁講解,跟住就見到佢哋叫咗刺身原條上,條魚上到枱都仲識郁,盡顯師傅刀工,而且擺設好靚,(可惜無帶相機,唔係一定偷影俾大家睇),見隔籬枱食完條魚,經理再幫佢攞條魚骨去煲湯,見到都想飲,下次一定要試原條刺身再叫咗幾樣熟食,鰻魚炒飯,燒羊架,串燒牛脷,都算OK其實之前去過幾間羽壽司,佢哋都係播聲

這夜已吃飽飽的 但口還想吃吃刺身..所以決定來羽壽司 過過口隱3文魚刺身 $35一碟有4塊 稱不上十分鮮甜 但也是新鮮的 不過一碟只有4塊 有少少肉赤啦~~~芥辣八爪魚 ~$14一貫如此 辣辣的 不過紫菜不脆 應是放置了一段時間..甜蝦刺身壽司 ~$14蝦是甜而爽的 可惜紫菜也是漏氣了整體味道也可保持一貫水準 不錯但紫菜方面應檢討一下 否則令壽司評價有所影響ps.可惜不能試試新出蟹棒 失望了...

今日早左放學, 去左ssp搵朋友食晚飯, 又唔知食乜好, 又想食日本野, 行下行下就黎左呢間可能因為早, 入到去得我地, d招呼都ok呀, 不過點解杯茶係凍既...兩個人食左11碟:蕎麥麵: 細細碟不過好好味!魷魚: 新鮮, 有d薑蓉係上面好好味火欿三文魚: encore左一次, 不過如果有d沙律source係上面會更好wasabi 八爪魚: d wasabi 味好勁, 不過都係好味!wasabi 軟殼蟹卷: 呢個唔得, 一d wasabi味都冇炸蝦卷: 呢個都ok蕃薯炸蝦卷: 呢個...分開黎食就有蕃薯味, 一啖放入口咩味都冇...只係覺得好大舊, 塞滿個咀....三文魚: 呢個新鮮, 又encore左一次槍魷魚: 其實呢個照計味道應該同魷魚差唔多, 但硬係覺得冇魷魚咁鮮, 下次都係叫返魷魚算...埋單$180有找, ok啦....一定有下次!

早排搭巴士睇Roadshow見到羽壽司出咗個廣告,最新推出三款特價壽司(沖繩虾,北海道蚧柳及左口魚背),一直唔得閒,卒之等到呢個星期日約埋一班朋友慶祝生日先有機會試,晚上7:30分左右到達,嘩咁旺,幾驚無位,等咗5分鐘左右,職員已安棑好坐位俾我哋,一坐低都未睇餐牌第一時間Order以上三款壽司,店員好快就為我哋送上,第一時間就攞起筷子試食,嘩好味呀,(北海道蚧栁$5/件)內裡水份充足而且幾有蚧味,再試(左口魚背$8/件),魚身好多魚油,幾特別,(沖繩虾$8/件)肉質鮮甜,咁嘅價錢有咁嘅水準,ok啦,隔咗一陣侍應向我哋推介活魚壽司,好又叫兩客試吓,由於我哋坐迴轉吧枱,可清楚望見師傅劏魚及握制壽司,感覺特別新鮮,因本人偏愛食蚧柳,問經理有無其他蚧栁,佢推介咗雪場蚧柳及皇帝蚧栁,試齊2款,正呀,其餘壽司同熟食都有一定水準,熟食方面,鐵板牛柳粒同鍋燒烏冬都唔錯,牛柳粒鐵板上香噴噴而且個汁都好好味,鍋燒烏冬個湯底就鮮味＋足而且配料豐富,上次食過辣肉腸都好正,可惜今次無貨,仲有要推介呢到嘅魚奶湯,真係好好味,服務都算ok啦,每次揚手都好快有人應,呢度同其他迥轉壽司店唔同嘅就係除咗迴轉吧枱外,仲有

跟朋友去了長沙灣食羽壽司可能係星期日，七點去到都已經幾多人下冇得坐轉轉，唯有坐枱啦叫左兩碟8蚊舊帶子壽司兩件便宜左十五元的吞拿魚腩壽司；都唔錯帶子鮮甜．係舊飯散左少少蟹柳五蚊件都好吸引．但本人就對佢冇乜興趣//冇叫到還點了咖喱炒烏冬；燒三文魚腩；幾款壽司咁侍應妹妹仲介紹我地食果隻汁燒三文魚壽司．9蚊兩件抵過普通燒三文魚壽司．仲好食啲添…大致都ok丫，下次去下其他分店試下先。

之前見到電視廣告羽壽司又轉左d新o既特價野，所以又同朋友去試la~為左唔想好似上次咁等咁耐所以等地早些少去~果然就即刻有位= =+今次o既雪場蟹柳味道一般，而且有d的仲爆開的，外觀不怎好= ="""而帶子就超好味丫>﹏<! 唔腥之餘介仲好爽口，我同d fd叫得最多就係佢至於吞拿魚腩就不過不失，味道不太突出，不過口感ok另外我地仲叫左d饅魚炒飯，拉麵咁，都好好味~不過最令我有印像的就是那個"日本辣肉腸"，睇menu幅圖的時候真係覺得有點兒那個，但係到賁物時離遠都已經聞到香味la~到食落口的味道就同d香味一樣咁正= =b絕對值得再來食

自從生了bb之後，就少了寫食評，今次算係我重出江湖之後的第一篇食評啦~~之前見羽壽司在電視買廣告，推介了三種壽司做特價，我老公心思思想去食，於是琴晚放工後去食(不過冇帶到相機)。我們6:35pm入坐，其實早少少去唔洗等就有位，good呀!我地叫左(特價5元一件) 雪場蟹柳 4件(特價8元一件)帶子壽司 4件(特價20元一件)吞拿魚腩壽司 1件北寄貝沙律 2件加州手卷 1件軟殼蟹手卷 1件蟹子壽司 2件吉列蝦卷壽司 有3件其實試完大部份既壽司，都覺得食物都幾新鮮，並且紫菜亦脆身，不過飯就握得鬆，輕力夾已經散，呢個係可以做好d既。而另外我覺得最有意外驚喜既係佢地既軟殼蟹手卷，有成半隻既蟹，同埋仲熱辣辣的，手卷仲加左d蟹子上去(都唔少既)，以14蚊黎講，真係抵食兼好味，仲有帶子壽司都係非常厚同大件，亦係抵食同新鮮，我見差不多個個人都會點佢地既特價食品。而最後一樣令我feel supirse既係佢地既吉列蝦卷壽司(唔知係咪咁叫)，其實我係唔知裡面有芝士的，只係以為得吉列蝦加粘有蟹子既卷物，當從回轉帶拿來吃既時候，就食到有芝士香味既吉列蝦壽司，真的不錯呢！也不算貴，14元3件而已。不過佢地既特價

無啦啦超大雨咁唯有揀間近近地既食啦今次揀左屋企樓下既羽壽司新開張既時候食過一次而家我自己就食第二次一行五人唔使等位?!星期六既7點半MENU圖齊不過好難係ORDER紙搵番出來WAITRESS都好禮貌咁指比我地睇落左單5MINS開始已經有第一碟到炸物水準唔錯例如軟殼蟹同蝦都唔錯三文魚就覺得淡味左少少特色野方面個金龍卷賣相一流但食落冇咩特別唔睇頭同尾似一般炸蝦卷多D鰻魚做緊特價變左特大汁既味調得唔錯唔會咸過頭鰻魚亦算新鮮蟹籽同三文魚籽都幾好唔會太淡味值得一試