德美壽司

營業中

休息中

同柑太到尖沙咀行街，正為午飯頭痕時，她提議去吃魚生，於是在厚福街選了德美，H8那座大廈食肆唔少，但原來入面既食客都唔少，係德美門外，至少有5,6人係度等位，無奈地等了10分鐘左右，終於到我們入座，柑太點了個吞拿魚三色飯，我前思後想，想了很久最後選了刺身便當。前菜出場，很簡單的沙津、味噌湯及蒸蛋，沙津是薯蓉，味道一般，味噌湯濃淡適中，而蒸蛋用料頗多，蟹柳雞肉等。刺身便當，比較特別係有玉子燒，上面印有德美兩字，入口較甜而蛋味較淡。天婦羅炸埋一舊，要先拆開才可以點汁食，而入口感到很油膩，外層炸粉索油索得好勁。刺身味道普通，壽司入口清淡，總括而言，表現一般。吞拿魚三色飯，味道不俗，吞拿魚腩茸很有油香，而帶子及三文魚子亦非常鮮甜，而最出色的便是海膽，濃郁而鮮味，混和吞拿魚茸配白飯一起吃，絕對是非常美味，柑太這一餐便選對了菜色呢。