古今二 (荃新天地)

營業中

休息中

放假回家探媽咪，同媽咪去之前成日去既果間食個lunch，決定食飽左再行商場消費，哈哈。以前成日食同未試過嘅菜式都點咗 d一齊試下。龍捲風沙律每次必點既菜式，除咗多新鮮沙律菜外，中華沙律同蟹柳絲係超多，食極都有，最好味係個帶微辣嘅沙律醬，食落同一般嘅真係零舍不同。埼玉網燒牛舌之前都有食過，保持水準，燒得好香，入面好juicy , 爽得黎腍，正。起級龍捲風新試嘅卷物，有8件卷物壽司，入面係蝦天掃羅同鰻魚，仲有最鍾意的芝士，一齊放入口，creamy 芝士係最搶味既，唔駛wasabi同豉油已經夠哂好味。分量十足，一口食唔哂，要分2口先食得哂一件。煙花同個名一樣，外觀整到個煙花咁，d吞拿魚蓉鋪晒響卷物上面，份量都唔少，卷物入邊係辣味三文魚，好惹味。櫻花蝦茄子燒媽咪之前同Daddy 食過話唔錯，個茄子開邊舖滿櫻花蝦，加埋照燒醬，簡單得來，口感軟綿同惹味，媽咪冇介紹錯。2個人食到好飽，整體上水準冇跌watt, 又試咗新嘢，好滿足既lunch。