影片
更多
2018-06-20
165 瀏覽
出糧梗係食番餐勁嘅， 放題絶對係個好選擇! 今日係尖咀行完街之後，朋友提議食日本料理，就黎到食放題。老納未食過日本料理既放題，平去去開都係mk食放題多，尖咀食日本料理放題真係第一次，唔知同其他平時食開放題有咩分別。一入到呢間日本放題店，裝修好似日本個d居酒屋，好得意食放題第一次見到有細卡座形式裝潢。放題既好處就係可以做一晚大豪客，扲起餐牌任叫任點，所以第一時間當然係望餐牌啦！但原來呢殊係無餐牌的，係要用WECHAT掃QR CODE落單比廚房出單點，概念亦好環保，我都係第一次食放題係用咁既形式落單。指定動作 – 梗係先叫盤刺身食下先, 款式夠多, 如三文魚, 帶子, 甜蝦, 吞拿魚呢D一定有, 連鼻拔蚌都有, 真係夠驚喜! 擺盤亦相當吸引, 食落唔會仲係冰感,刺身切到一口形式，十分新鮮，一啖一件好爽YY!三文魚腩入口即融既感覺亦正，大大舊魚腩，鍾意食三文魚既朋友萬勿錯過。精緻壽司亦相當吸引，款式賣相特別唔似一般其他店食他Commen樣，賣相絶對唔輸蝕比壽司店出品, 飯粒軟硬度適中, 又唔會太大舊, 試多幾款都唔會咁快就飽個肚食唔到其他款式! 手卷超好吃, 紫菜好趣口，係即卷的，最估你
今日係尖咀行完街之後，朋友提議食日本料理，就黎到食放題。老納未食過日本料理既放題，平去去開都係mk食放題多，尖咀食日本料理放題真係第一次，唔知同其他平時食開放題有咩分別。
一入到呢間日本放題店，裝修好似日本個d居酒屋，好得意食放題第一次見到有細卡座形式裝潢。
放題既好處就係可以做一晚大豪客，扲起餐牌任叫任點，所以第一時間當然係望餐牌啦！但原來呢殊係無餐牌的，係要用WECHAT掃QR CODE落單比廚房出單點，概念亦好環保，我都係第一次食放題係用咁既形式落單。
指定動作 – 梗係先叫盤刺身食下先, 款式夠多, 如三文魚, 帶子, 甜蝦, 吞拿魚呢D一定有, 連鼻拔蚌都有, 真係夠驚喜! 擺盤亦相當吸引, 食落唔會仲係冰感,刺身切到一口形式，十分新鮮，一啖一件好爽YY!三文魚腩入口即融既感覺亦正，大大舊魚腩，鍾意食三文魚既朋友萬勿錯過。
精緻壽司亦相當吸引，款式賣相特別唔似一般其他店食他Commen樣，賣相絶對唔輸蝕比壽司店出品, 飯粒軟硬度適中, 又唔會太大舊, 試多幾款都唔會咁快就飽個肚食唔到其他款式!
手卷超好吃, 紫菜好趣口，係即卷的，最估你唔到既係入面既餡超大舊，講緊既唔係普通料, 而係鵝肝，從未食過咁大舊既鵝肝，即時平時出去係西餐既煎鵝肝都係得丁屎咁dia舊，真係好驚喜之作!!!!!
二人前既雞燉翅有, 真係估你唔到之選!!!
海膽蒸蛋好味，餡多又層次豔富，但又唔濟口1
燒菠蘿每件厚切, 肉厚甜美多汁, 不禁叫完再叫!~其他燒物亦唔錯，不得不提個茄子燒，好燒魂!!!!鹽燒牛舌更加值得推介，牛味重，配合汁燒，風味更突出。
炸物時間出場啦, 天婦羅炸漿唔厚, 唔怕食到一口粉都未食到條蝦, 全部熱辣辣且唔油膩, 點埋個天婦羅汁就仲正! 炸物停不了, 每次黎都一定要食, 炸至外脆內軟, 又香又甜, 叫人點忍得住口喎!繼續小食唔比佢停，雞翼抵讚在於調味正，調味好食就滿分，加上雞翼肉質唔錯，所以整體好食。
叫左個鍋物-- 牛肉壽喜燒，壽喜燒係一個必食既推介，入面有豆腐、冬姑、牛肉、娃娃菜等，湯底very濃郁，令菜同牛肉好入味，飽肚又好有滿足感~~正
飲品選擇好多~~總有款碞自己~話說平時食放題，未見過呢兩款飲品，好過癮~~
最果你命3000既係，好多放題餐廳都已無得任食客自己扲哈根大師或MOVENPICK雪糕黎食，但呢度竟然可以，我真的感動到喊左~~隊左3、4杯~~超級大滿足!!!!性價實在太高了，讚~!!!!!!!!!!!!!!!!!!!!
仲好多些熟食供應可以自己出去扲，我記得仲有pizza食，都幾好味，不過掛住食無影到相。第一次食日式放題，呢殊既日本料理令人會食得出高質既日式料理， 但價錢其實同其他既放題相去不遠，但款式、食物新鮮到、食材計用到擺盤都令人好驚喜，水準高檔格調，性價甚高~~讚P.S: 每位侍應都好有禮貌，基乎每上一碟野都會講慢用/多謝光顧同話番比客知果碟係咩東東，今餐放題好有星級感覺咁。~
張貼
