米線陣 (已結業)

米線陣經常都去食，想講講佢既豬軟骨,豬軟骨既軟骨經常唔淋,但味道係好既，炸雲吞係好食既，但琴日試左佢地既麻辣雞煲，三個字，唔得囉!係我唔啱，應該睇清楚既唔睇，唔應該睇既睇左，如圖，不要被相片誤解，((唔應該睇既係)所說的雞不是相片煲內的雞件，而是雞扒斬件，(應該睇清楚既係)佢有講用去骨雞......脾肉，所以，圖片真係只供參考，不過我認為,既然你寫用去骨雞......脾肉，點解幅圖又用D雞亦呀?斬雞件呀呢?我叫的是$110二人前，首先說說雞煲，二人前的雞煲是(大)，但來到時，所為的大，煲內只有7-8件，約$1 Size大的雞扒，吓!我問職員,咁樣就係大架嗱?職員話係,個份量只有1塊雞扒，如果以大家樂早餐雞扒黎計，佢有1塊半囉!(食開大家樂早餐既雞扒應該知有幾大)，餐有2碗米線，唔好開心得太早，嗰2碗米線既份量，同平時米線唔同，佢既份量大約是酒樓飯碗，另有一個雜錦蔬菜盆，其實真係無咩食，又無什麼牛肉,豬肉比你加錢叫，只有D拼盤係午餐肉扎肉嗰D囉，唔怪得知成場無見到有人食，，下次醒目了。