米線陣 (已結業)

我好聿意食米線之前無食過米線陣，琴晚去左食 ，叫咗小辣既蕃茄湯米線配炸魷魚🦑 本身以為冇乜嘢嘅一碗米線，但係估唔到佢個蕃茄味好香甜好新鮮淡淡都係蕃茄汁，小辣既湯底變得鮮辣！好正好fresh ! 仲有個炸魷魚！ 好有咬口，但係小辣都好辣但係我好鍾意因為好好味！好食所以我先至喺度打食評所以想都係食完之後嘅相又唔貴

有D食評隔太耐無寫，係會唔記得當時嘅感想感悟，呢間米線陣係我第一次品嘗，之前係全線都未去過，因為覺得好似唔夠鋪仔地道，但焗完桑拿係會肚餓，就入左去試試。嗌左完大汗系列，最令我覺得特別係D辣粉，起個豬扒鋪滿曬，連個碟底都滿滿一層，而且夠香夠辣，配埋炸得還可以開豬扒嘅配搭係唔錯嘅，果然連鎖店點都有少少水準，而番茄底嘅米線就一般般啦，無話太大嘅特別，若果用呢個價錢我起鋪仔可以加多兩個餸，所以唔係太肚餓都係食翻地道野。

早兩日 天氣突然跌到得番10幾度，同同事咁岩係尼頭放晏。就入左商場搵食，避下風。咁既天氣想食番d熱辣辣既野暖一暖個身佢個menu 勁多野揀，我最後揀左個大汗雞扒蕃茄米線而我朋友就叫左個炸魷魚鬚米線好彩我叫左雞咋，個我個人食量都叫正常佢個米線份量都合適加上雞扒都算大，一啖雞一啖麵 雞扒既份量就略略少過米線食到後尾會得番d米線個蕃茄湯嫁好味我同事個送就細得可憐用尼送酒都ok食午餐就唔係好夠但係好野味本身個餐跟凍可樂 但太凍了我加錢轉熱奶茶埋單$60左右

雖然米線陣有好多間分店，但今次係第一次食😙黎天水圍呢間米線陣午餐，佢都有set lunch我都好喜歡食辣🌶同蕃茄🍅湯底貪佢夠惹味😋😋😋所以就叫左⋯👇🏻麻辣番茄雞髀肉貴妃腩肉片米線🍜🌶 $48唔好睇佢個湯底好紅咁，其實個湯底無想像中咁麻辣🌶🤨另外跟餐叫豆漿+$2雞肉好「鞋」，似煲左好耐😂😂另外最想講係米線份量有d少我一個女仔食午餐，碗米線係唔夠飽😢😢😢建議份量可以加多少少😥😥😥

平時都有食開 但今次食完 真係唔敢再食 叫野食 都未叫完飲品服務員已經自己行走左叫左兩碗麵 加餸已經要提先出餐第一啖食完 已經見到有隻強強煲到腳都斷左幾隻 員工話 唔係湯底有事煮過碗比你地食 但係見完都冇胃口啦

行經過銀座，見到開左米線陣，即刻諗起之前係海富番工個時成日食既大汗豬排米線，而且銀座呢間米線陣仲要平均單價平出面十零廿蚊，二話不說入左黎。我同男友叫左大汗豬排擔擔米線，同埋鮮蝦雲吞牛肚酸辣米線。我個人好鐘意擔擔米線濃味湯底，但男友唔鐘意入面既花生味，所以唔鐘意花生既朋友可以避開擔擔湯底。大汗豬排有少少油，唔係話好脆，比起金鐘個間米線陣既大汗豬排差左少少，但都唔係難食既。碗酸辣米線個湯底係譚仔十小辣既感覺，唔刺激，酸菜好爽口好入味好食，牛肚都滷得幾好，雲吞入面既蝦同豬肉都好新鮮好食，整體呢碗米線更勝一籌。但，唔知係我大食定點，食完都係餓餓地哈哈。不過我地叫左兩碗米線一杯凍檸茶，埋單都唔洗一百蚊，真係算係咁啦。唔錯唔錯。另：裝修幾簡潔，餐具少污糟

因為上次食左豬頸肉蕃茄湯米線覺得好好食！所以再次光臨貴店。叫左一個二人餐，約$152-159 我都唔想記得價錢！著先泥左個炸雲吞，幾好食！香脆可口。之後點左個海南雞。望相又真係幾吸引既！但食落先知大獲勁多血不特止、肉質超鞋！嚴重地凍，無仼何味道！或者真是本人不識欣賞！當日晚上7:30去到想叫翻豬頸肉米線，結果同我講賣哂！咁咪叫個雞翼囉！點知要豬頸肉無豬頸肉、要雞翼無雞翼！真火滾夜d無，都好正常、7:30pm已經賣哂！最後配左碗腩肉雲吞米線算！腩肉無味！雲吞過得去！二人餐都仲可以配個蘿蔔冬菇小食！無影到，都好食。普通過得去。呢個餐真係值100蚊算！

因為自己好中意食蕃茄關係，所以叫咗個蕃茄湯底米線真係好正！好濃郁既蕃茄味酸度適中落單無睇清楚以為一個麵要三十零蚊，覺得有d貴。點知最後原來係包一個$6既送！真係覺得好扺啊加左魚腐同豬頸肉！首先魚腐數量吾會得三舊咁少！吾記得有四塊定五塊好好味豬頸肉出奇地好食真係好正！不過食得出有陣醃肉既酒味，但炸得好好食！平時吾中意芫茜既我，今次都食哂，感覺好新鮮！可惜係平時好細食但都覺得米線份量太少！最後飲埋半碗湯底，回家兩小時後已經打哂鼓啦

忙完個早上，終於有時間食午餐。喜歡蕃茄嘅我，一定會叫碗濃茄牛肉鮮蝦雲吞米缐，第一時間梗係試啖湯底先，蕃茄味唔夠濃，雲吞饀料彈牙，雖然牛肉幾腍，但牛肉好鞋拾拾😕朋友叫左碗少辣麻辣肥牛餃子皇米缐，餃子饀肉多幾好食，肥牛一樣鞋鞋地，麻辣湯底無麻嘅感覺。午餐加$10配左個涼拌雞𢇃粉皮，粉皮配上麻醬，食落好香麻醬，同粉皮好配合，雞絲比較特別，好似焗到魷魚絲一樣乾，🤔都係第一次食到咁乾嘅雞絲😅

🐷胃食豬又揾好野食🐷今次來到米線陣🍜當然一定要嘗試一下生招牌(米線🍜)米線最緊要是湯底，湯底揀選了番茄濃湯和酸辣湯！配料方面，選擇了雲吞，牛展，豬頸肉，雲耳！番茄🍅濃湯湯底是用新鮮蕃茄來烹調的，味道香濃。酸辣湯的湯底，酸辣的比例適中，不會過酸，每淡米線再配上酸菜加湯底，令這個湯底更推上一層樓😋口水雞夠辣👍🏻又美味，每一啖雞肉，都有少許麻辣味，肉質嫩滑，當吃下去時，原來是用新鮮的雞脾肉🍗誠意十足😽豬排有小許辣味之餘，還炸得外脆內軟😋粉漿也不會太多😝冬菇蘿蔔很入味👍🏻蘿蔔很林，而且冬菇汁在醃製和烹調過程中，已經把汁全部吸了🤗食落很鮮美👏🏻由於是二人餐，所以更包括了兩杯飲品，一杯是女性可滋潤的，鹹檸蘆薈飲品，另一杯是青檸梳打。兩杯飲品各有特色，但都不會很甜，適合不愛甜甜的你😁誠意推介蘆薈飲品，因為真的超多蘆薈肉， 多到差不多半杯都是，真的誠意可嘉👐🏻二人餐共有三款不同的小食，加每人一碗米線🍜，再加兩杯飲品，令我和朋友，都吃到滿載而歸😘

米線的軟硬度適中。手打豬肉丸只有兩粒，但是很大粒和爽口彈牙。蘿蔔味道是可以（之前食過是比較入味的），冬菇味道都不錯，偏甜的。 豬骨湯底也很熱。本人十分喜愛大汗雞翼，外脆內軟，有微微的辣味，十分香口 好好味。有一次店員給我四隻雞翼因爲偏細。相信喜歡吃雞翼的人會滿意。杞子圓肉茶的味道就偏淡，可以濃郁多些就更好。店員的服務態度就沒有特別的好或差。天水圍 銀座商場 有數間吃米線的店舖，本人就比較喜歡米線陣的米線。

因為已經差不多生得，行多少少路對順產好，所以今日就同奶奶行遠少少由頌富行去嘉湖食午餐。落單個姐姐已經好唔禮貌,我幫奶奶點熱檸檬菜蜜（跟住餐牌讀），佢就問我係要熱檸蜜定熱菜蜜，我指住餐牌上面4個字，我係要呢個熱檸蜜菜蜜，你幫我落單啦，佢仲講檸蜜就檸蜜，菜蜜就菜蜜，我話你餐牌係咁寫，佢好唔情願咁落單。跟著我叫咗魚腐冬菇米線，熱柚子蜜。佢同我講柚子蜜冇呀，咪有張紙貼住咗囉！但我話餐牌上有呢個可以點冇貼住喎！佢就講到我錯咁，柚子蜜已經冇咗好耐啦！真係好笑！我第一次嚟幫襯(亦係最後一次）點會知原來嚟幫襯係要記住你地有乜供應，有乜唔供應(就算跟餐牌都係錯）我唔想同佢嘈，嗱嗱聲轉熱檸水再唔該前唔該後麻煩佢幫我落單，因為行咗成十分鐘過來，好鬼肚餓。跟住落單個姐姐放底張單比我地，個陣我發現到我個米線由魚腐冬菇米線變咗魚腐豆卜，所以就同佢講返，個姐姐竟然話：咁你落錯單，我幫你改啦！(我真係錯！我唔應該嚟呢到) 點解一定係個客錯呢？！就算係，有必要咁樣講？到食物飲品嚟仲嬲，佢拎杯凍檸檬菜蜜嚟，我奶奶咳唔飲得，我大住個肚都唔飲凍嘢啦！同另一個姐姐講，杯嘢嚟錯咗，老人家咳唔飲得凍嘢，我地係點咗熱，跟住落單個姐姐

因為之前都唔見米線陣有早餐食，所以一直都無係早餐時段行過去米線陣，直到最近家人講先知佢有港式早餐都有薄撐都有米線，選擇都唔少，應該會揾到自己想食既野其實依家早餐過三十蚊真係好普遍（不得不慨嘆物價上漲），咁佢都有推出一個$23既平早餐三文治加個通粉有杯野食（好似係）一朝早食早餐未開胃，所以都想叫d 濕濕地既野食落肚，所以就㨂左G餐，雞脾肉蕃茄米線呢度既蕃茄湯係偏甜既，又有d 蕃茄肉俾你咬下，食呢d 野既感覺真係好健康其實本身食個早餐係唔會令我想寫食評既，但係我發覺個雞脾肉真係好好味！雞味濃無雪味又滑！好好味呀！！呢個雞脾肉淨係白烚都咁好味真係好出乎意料之外呢！

我自從食過一次米線陣之後就愛上左佢, 點解?咪就係因為佢個蕃茄湯底~~~!!!♥蕃茄湯米線$25, 加芝士丸+$5, 加蟹棒+$5每次食佢既蕃茄湯底都覺得好清新同清甜, 因為佢真係落左好多蕃茄肉落去, 而唔係單單落茄膏...而蕃茄肉每次都煮得好夠淋, 幾乎一咬落去就會溶化所以成個湯底, 什至每一條米線都沾滿蕃茄既甜味♥第一次試佢既蟹棒, 都有4條呢~ 雖然食落都係普通蟹柳, 但係佢既軟硬度掌握得非常好呢~~ 唔會煮淋到無晒口感!不過...佢既芝心丸唔係平時食開個種味道...我覺得呢款個芝士味偏咸...無咁好食!同行朋友叫既 麻辣蕃茄湯米線$27, 加雞髀肉+$5, 加牛丸+$5 (走芽菜,走莞茜)麻辣比起就咁蕃茄湯底貴$2... 我都試左一小啖我覺得呢度既辣都係好食既, 唔會第一啖就令你覺得辣到放唔入口而係陣辣味係食完之後先慢慢滲出黎既... 不過配埋落蕃茄度就搶左蕃茄既清香味, 晒左個靚靚蕃茄湯底~~~~最後 我地仲叫多左個小食-蜜糖檸檬雞翼 $21我覺得佢調味唔夠重手, 蜜糖味同檸檬味都唔夠出...叫得呢個預左佢重口味... 所以令人有d失望, 係比較普通既雞翼~! 不過佢係新鮮炸

米線陣經常都去食，想講講佢既豬軟骨,豬軟骨既軟骨經常唔淋,但味道係好既，炸雲吞係好食既，但琴日試左佢地既麻辣雞煲，三個字，唔得囉!係我唔啱，應該睇清楚既唔睇，唔應該睇既睇左，如圖，不要被相片誤解，((唔應該睇既係)所說的雞不是相片煲內的雞件，而是雞扒斬件，(應該睇清楚既係)佢有講用去骨雞......脾肉，所以，圖片真係只供參考，不過我認為,既然你寫用去骨雞......脾肉，點解幅圖又用D雞亦呀?斬雞件呀呢?我叫的是$110二人前，首先說說雞煲，二人前的雞煲是(大)，但來到時，所為的大，煲內只有7-8件，約$1 Size大的雞扒，吓!我問職員,咁樣就係大架嗱?職員話係,個份量只有1塊雞扒，如果以大家樂早餐雞扒黎計，佢有1塊半囉!(食開大家樂早餐既雞扒應該知有幾大)，餐有2碗米線，唔好開心得太早，嗰2碗米線既份量，同平時米線唔同，佢既份量大約是酒樓飯碗，另有一個雜錦蔬菜盆，其實真係無咩食，又無什麼牛肉,豬肉比你加錢叫，只有D拼盤係午餐肉扎肉嗰D囉，唔怪得知成場無見到有人食，，下次醒目了。