犇道 Chef Ben- Cafe & Steak Bar (弦海) (已結業)

龍門居舊店已經成日幫襯，睇住佢地努力經營，轉營再轉營，今次呢間新店係用另一個格調，地點靠近河傍，舖面闊落舒適，樓底高，坐得好舒服。好，坐低睇吓有咩好食先。法式紅酒燴和牛肉手工貝殼粉，上面有cherry tomato加水牛芝士碎，軟腍嘅和牛肉條，貝殼軟硬度控制得好好，亦都好入味。忌廉黑松露雜菌意粉，個忌廉超濃厚，掛滿每一條意粉，連雜菌都充滿好香黑松露味。焦糖泡沫朱古力，表面焦糖化，外圍圍住泡沫，朱古力比例高，但又唔過甜。