279
7
12
附加資料
河畔景觀主題西餐廳「犇道」呈獻「冬日微醺「輕」份子料理」限定套餐 以酒入饌全新推出輕分子料理X道菜套餐 三五知己盡享非凡美饌
營業時間
星期一至六
11:30 - 21:30
星期日
11:30 - 22:00
公眾假期
11:30 - 22:00
付款方式
Visa Master AlipayHK 支付寶 現金 八達通 銀聯 JCB Apple Pay Google Pay 微信支付
座位數目
52
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
外賣服務
加一服務費
海景景觀
電視播放
以上資料只供參考, 請與餐廳確認詳情
招牌菜
廚師發辦牛扒、和風All day breakfast
食評 (329)
今次同朋友近近地去咗屯門河畔附近嘅一間西餐廳🍴晚飯時間都算多人,最好就book定位唔駛等太耐🤟🏼➷晚餐有set dinner📒有齊餐湯、沙律菜、主菜同埋薯菜🥔🪐 忌廉雜菌湯好濃郁嘅雜菌味🍄‍🟫濃稠質地飲起上嚟口感更豐滿,飽腹感較重🤰🏻§🪐 BBQ蜜糖烤焗雞翼有甜甜地嘅蜜糖風味🍯再加埋烤焗嘅香氣,就好似自己BBQ燒嘅一樣😋香脆嘅外皮配上啖啖肉,簡直係絕配👍🏼§🪐 BBQ加拿大保濕豬扒配薯條一聽到個名就決定揀佢🫵🏼因為有時會食到啲豬扒好乾身🤔但見佢寫明保濕,即係一定唔會乾爭爭😆不負所望,豬扒多汁又濕潤,肉質嫩滑,配埋個燒汁,口感更豐富🤤薯條外脆內軟,食完一條又一條🍟但係唔駛驚,因為佢地有免費添食,想食幾多都得😍§🪐 松露雜菌忌廉汁意粉食咗咁多肉,要叫返個素食黎清一清🫢可能我同朋友偏好食比較軟身嘅意粉,所以略嫌佢硬身咗少少🤏🏼意粉結合咗松露嘅香氣同雜菌嘅清香,配上濃郁嘅忌廉汁,非常掛汁👍🏼§🪐 焦糖嘉年華食完正餐,當然要叫個甜品作為美好嘅結尾😌吐司份量適中,啱晒我哋食唔到咁多但又想食嘅女仔🥰吐司面層放咗爆谷同雪糕,再配上焦糖醬,唔會太過甜,飯後食係唔錯嘅選擇😋§🪐 巨杯檸檬茶唔止薯條可以免費添食,連檸檬茶同檸檬水都可以免費添飲🍋不過因為我叫個杯係巨杯,所以根本冇機會添飲到🤣但就可以慢慢嘆。➷ 論性價比佢係高嘅,大件抵食之餘質素亦都唔差👍🏼不妨入去走一轉喇!➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-06
930 瀏覽
今日去咗龍門居呢邊探親戚,離開弦海屋苑嘅時候,已經差唔多6:00諗住行返去西鐵站,就比呢間餐廳嘅裝修吸引咗入去試吓,果然冇令我失望,個餐廳名仲非常特別叫犇道,餐廳旁邊望出去仲見到海邊,食都食得特別舒服,亦都係一間非常值得打卡嘅餐廳 二人餐有餐湯,大蒜薯仔湯沙律,好濃郁嘅蘑菇香味同埋奶香味,而沙律方面,蔬菜新鮮,洗得又乾淨,蔬菜顏色嫩綠,蕃茄仔仲好鮮甜,而青瓜仲好爽口非常清新嘅感覺,食完都特別開胃牛扒七安士揀咗七成熟,旁邊仲有好多配菜有蓮藕爽口,仲有大量蒜芯加洋蔥, 牛肉味香濃,每食一啖都非常Juicy又多肉汁,夠晒鮮嫩,仲有薯條半碟薯條,剛剛炸起非常脆口芝士焗紐西蘭大帶子,帶子size非常大,上面仲鋪滿濃郁特製嘅醬汁,真係食多隻都唔夠喉香煎鮑魚蟹膏蟹肉意式燴飯+98蟹肉味超級香濃相當有質素鮑魚做到非常爽口彈牙上面仲放有一些美味嘅醬汁同埋三文魚子,燴飯嘅味道唔會太鹹,配菜仲有車厘茄同埋冬菇絲 焦糖香蕉牛角窩夫配雪糕牛角窩夫做到非常鬆脆,做到好似牛角包咁一層層仲有好香嘅雞蛋味道,旁邊仲有些生果粒,好新鮮配埋雲呢拿味雪糕,非常配搭,畫上一個完美嘅句號巨杯檸檬茶,加$3就有一大杯凍檸茶仲可以無限添飲,真係好抵呀特濃朱古力奶,非常濃郁嘅朱古力味,上面放有忌廉,令到鮮奶非常滑溜,完全唔會太甜餐廳裝修令人感覺舒服,座位又舒適,食物款式仲好多,價錢非常合理,性價比極高,一定會再來幫襯 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-07
1515 瀏覽
Bookmark咗屯門呢間河畔餐廳好耐,餐廳位於弦海,喺龍門居附近,屯門河嘅旁邊!餐廳環境舒適,設有落地大玻璃望住出面嘅屯門河,另外仲一個大螢幕播住歌,非常之有氣氛!假日真係好適合來呢度感受下閑情逸致,一邊欣賞河畔景色,一邊喺呢間悠閑嘅餐廳度食下嘢傾下計,感覺非常寫意~是日廚師發辦牛扒 (大約7oz)配薯菜💰HK$138呢度係一間Cafe兼扒房,梗係要食下呢到嘅牛扒,所以就點咗是日廚師發辦牛扒,而今日嘅廚師發辦牛扒就係西冷牛扒!我地叫咗5成熟,一切開牛扒入面嘅顏色仲係好粉嫩嫩,食落有牛味,肉質亦好夠淋!旁邊嘅粗薯條亦都好香脆,呢到嘅薯條仲可以免費添食添呀~每個餐都設有日餐湯配麵包,今次嘅餐湯就係粟米湯,而麵包似係自家整嘅蕃茄味軟包,將個軟包點埋粟米湯一齊食更加好味~跟餐熱飲免費,朋友就揀咗熱檸檬茶,比較養生~BBQ豬肋骨配薯菜 💰HK$128燒烤醬味道甜甜地,啲肉醃得好入味,入口軟腍,而且容易甩啲肉出來,切嘅時候唔需要太費力~ 薯菜除咗薯條之外,仲有杏鮑菇,紅蘿蔔等等,有返啲蔬菜可以中和下食肉嘅飽滯感~假日追加3款小食💰HK$52小食我地揀咗骨附腸、 辣雞翼、蔥花蛋卷!辣雞翼皮脆肉嫩,蔥花蛋卷蛋香十足,骨附腸味道幾特別~芒果生椰乳特飲💰HK$29面頭有少少芒果肉同柚子肉做點綴,將底下嘅芒果汁撈勻,飲落去仲食到啲西米,成杯特飲嘅感覺就好似重椰汁味嘅芒果西米露咁,味道清甜~朱古力心太軟加雪糕 💰HK$48一切開啲朱古力漿就流晒出嚟,香濃嘅朱古力味加埋雲呢拿雪糕一齊食,仲有埋一冷一熱嘅口感,唔會太甜同埋令人覺得好漏,食埋呢個甜品之後,成餐飯真係令人心滿意足哂~ 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-03
891 瀏覽
過開黎龍門居探朋友,諗住沿住河邊行番去屯門西鐵站答車,經過弦海見到E間裝修好舒適既餐廳,我同🐷先生就決定食埋dinner先番去Steak Battle Special Set (Mon-Fri)E個餐平日$298,已經係2人餐,可以係A同B款各簡1樣,唯番即係百零蚊一個人,好抵~👍🏻而且仲有其他主食/甜品可以加點🫢🔸沙律+是日餐湯沙律雖然係沙律菜,但色彩配答得宜,而且份量一D都唔欺場,2個人各1大碟是日餐湯係蘑菇湯,淡淡蘑菇味🔸升級真.龍蝦湯+$68轉左其中一個餐湯,用西式茶壺呈上,顏色紅亮,香味濃郁🔸A款 是日廚師發辦牛扒約7oz 伴薯菜(五成熟)今日係牛柳,五成熟岩岩好,切開好多肉汁,而且仲好嫩口🔸B款 香煎深海石班柳配白酒忌廉汁深海石班柳煎至乾身,魚皮仲脆到有「索」「索」聲🔸油封鴨肶配牛肝菌意式燴飯慢煮油封鴨肶,配上牛肝菌味道濃郁,燴飯飯粒唔會過硬 🔸巨杯檸檬茶超欣賞佢大大杯,而且仲可以refill🔸心太軟配雪糕心太軟配上雪糕絕對係最佳配搭,暖暖的朱古力漿連雪糕一齊食,可以中和濃厚朱古力的膩感。餐廳對外位置整左落地玻璃,如果黃昏既時候黎,望住金黃色既河邊,飲住杯咖啡,一定好寫意~另外都好欣賞餐廳同社企合作,可以訂下花束,方便慶祝唔同節日/活動。仲有泊車優惠,超方便👍🏻 繼續閱讀
(以上食評乃用戶個人意見 , 並不代表OpenRice之觀點。)
體驗差到第一次寫食評,想去食西餐鋸扒,但去到變左食泰式野。食物份量超少,而且唔算好食,叫左個廚師發板牛扒,黎到塊牛扒薄到同去茶記差唔多,d 薯條又係超少,加48蚊多個勁垃圾既沙律同特飲,個價錢完全反映唔到。而且最致命係服務超差,比個牛扒你又唔比刀,點食阿。個男侍應問多兩句已經燥底,態度咁差,唔怪得有個錢都去外地消費,完全貼錢買難受。又無得比現金,完全係一間好差既餐廳。千萬不要中伏,如果你諗住一家大細或者帶男女朋友去食,一定激死你。救得一個得一個,千萬不要去這間,信我。 繼續閱讀
(以上食評乃用戶個人意見 , 並不代表OpenRice之觀點。)