影片
更多
2023-01-17
55 瀏覽
今日去食壽喜燒，平時食就一鍋擺得靚靚咁上菜，再慢慢等佢煮。但今次就比特別的，有啲似去左食鐵板燒。一出𨋢就入到餐廳，而餐廳既設計正正就係吧枱圍住廚師煮野俾我地食。可以睇到廚師既心機，又可以互動，適合三兩知己既聚會。前菜係三式刺身，包括北海道帶子、池魚、大拖羅，刺身好新鮮，帶子十分厚肉，大拖羅既油脂分超好，入口甘香。三文魚子茶碗蒸，蒸得啱啱好，十分滑。今日主菜係會食三款牛，包括：牛舌、A5和牛、熟成肉眼，以關西風壽喜燒去煮。廚師用壽喜燒汁煎香啲牛舌再放上生洋蔥柚子汁上面，再用左淡雪鹽輕輕提味，酸酸甜甜，再加上牛舌既小爽既口感，開胃好食。之後就到A5和牛，因為同朋友share食，又可以試到熊本縣嘅肉眼又可以試到岩手縣嘅西冷。廚師今次煮既時間會同埋南瓜、春菜、娃娃菜等分別分兩次一齊煮，確保食既時候都係暖暖的。兩款和牛都好好食，以口感一定肉眼優勝少少、而西冷就會牛味重啲，但因為兩者都係和牛，所以都係好夠油脂、入口即化。中間，廚師會煮埋主食-烏冬，我地可以中和一下，而且廚師會詢問我地既偏好，想濃味定輕味d，重可以試一試味，上碗重好鬼靚靚。重中之重就係熟成肉眼牛扒，比起和牛牛味更加之濃，再配落甜甜既
前菜係三式刺身，包括北海道帶子、池魚、大拖羅，刺身好新鮮，帶子十分厚肉，大拖羅既油脂分超好，入口甘香。
三文魚子茶碗蒸，蒸得啱啱好，十分滑。
今日主菜係會食三款牛，包括：牛舌、A5和牛、熟成肉眼，以關西風壽喜燒去煮。
廚師用壽喜燒汁煎香啲牛舌再放上生洋蔥柚子汁上面，再用左淡雪鹽輕輕提味，酸酸甜甜，再加上牛舌既小爽既口感，開胃好食。
之後就到A5和牛，因為同朋友share食，又可以試到熊本縣嘅肉眼又可以試到岩手縣嘅西冷。廚師今次煮既時間會同埋南瓜、春菜、娃娃菜等分別分兩次一齊煮，確保食既時候都係暖暖的。兩款和牛都好好食，以口感一定肉眼優勝少少、而西冷就會牛味重啲，但因為兩者都係和牛，所以都係好夠油脂、入口即化。
中間，廚師會煮埋主食-烏冬，我地可以中和一下，而且廚師會詢問我地既偏好，想濃味定輕味d，重可以試一試味，上碗重好鬼靚靚。
重中之重就係熟成肉眼牛扒，比起和牛牛味更加之濃，再配落甜甜既壽喜燒汁，完成唔同一般出去食扒房既牛扒，係另一味道。而且係門口既一旁就可以睇到餐廳的熟成牛扒櫃。
最後再上一個舞茸菇清湯，清一清比較濃味既壽喜燒，之後再上甜品-水信玄餅，本身個玄餅無太大味道，食口感，甜味可隨意加減。食完濃味 再以清淡既甜品作結😋
張貼
