麻辣派對 (金百利廣場) (已結業)

今日同個無辣不歡嘅朋友食晚飯，佢帶咗我嚟聽過好多次，但一直唔敢黎嘅麻辣派對。一見到個Menu雖然樣樣嘢食都好似好吸引，但又好似好辣咁，好在朋友話俾我知原來呢度辣到係有得選擇，佢仲好好全部都就我揀BB辣。我哋首先要咗個麻辣雞煲，一上枱見到個份量真係嘩左一聲，非常非常足料，絕對足半隻雞，而且雞肉相當嫩滑入味。同我一樣唔太食得辣嘅朋友，見到成盤都係辣椒同紅油其實唔使驚，佢哋真係只會帶出BB辣，同好香好香，唔會令你噴火。而我亦都好鍾意佢個股後勁嘅麻，好過癮！朋友堅持餐飯一定要有菜同有肉，所以我哋就要左碟新出嘅干扁杭州花菜炒鹹肉。呢個小炒真係冇得輸，椰菜花炒到非常乾身香口，個辣醬配合鹹肉，兩者非常惹味。然後主食方面，我哋每人都要左一碗小麵。個面湯底好濃郁，好香，少少辣，配合一個好滑嘅小麵真係好好食。朋友要咗五香牛腩小麵，牛腩炆到夠晒淋同入味。以我就要左豆花小麵，個豆花食落比一般嘅滑豆腐更加嫩，得2嚿真係唔夠呀！最後會有兩小杯桂花啫喱送比你清一清，當堂refresh哂！下次要挑戰小辣！