影片
更多
2023-04-24
126 瀏覽
女朋友知我鍾意食意大利菜，今日特登帶我來上環試吓呢間開業多年嘅意大利餐廳，滿心期待！一入門口整體環境優雅，頗有感覺！先來頭盤係我至愛嘅生蠔！正！共有六隻：第一款體形最大嘅西班牙銀品堡，大大隻口感爽脆，但蠔味一般！第二款體形細長嘅係來自愛爾蘭聖馬田，口感比較creamy! 鍾意！最後－款係我嘅至愛，法國吉拉多，海水味和蠔味最突出，留至最後食最好，否則對之前兩款就唔太公平了！跟住係北海道帶子無花果沙律嘩！咁大碟嘅！不過顏色配搭非常豐富艷麗，上面全是無花果、西柚、血橙和主角：北海道帶子（可惜細咗少少）但口感爽甜彈牙，不同生果增進食欲，配以少量醋汁！下面份量十足嘅沙律菜，女朋友食完差唔多已經飽了！跟住嚟虎蝦海鮮湯原隻虎蝦，配以帶子、青口等海鮮入湯！濃而不膩！再來一碟白酒煮青囗白酒酒配餐包一流！份量又多，只可惜D青口比較細小！否則就一流！到此，女朋友宣佈已經飽了，主菜只好由我自己處理，因為她要留番少少胃食甜品！輪到主菜係慢煮10安士美國頂級西冷牛扒本身不是個食紅肉嘅怪獸，即刻問女朋友剛才侍應有冇問牛扒要幾成熟？答案係我叫咗Medium Rare ! 即刻切開牛扒一望！有點可惜！熟咗少少偏向Med
一入門口整體環境優雅，頗有感覺！
先來頭盤
係我至愛嘅生蠔！正！
共有六隻：
第一款體形最大嘅西班牙銀品堡，大大隻口感爽脆，但蠔味一般！
第二款體形細長嘅係來自愛爾蘭聖馬田，口感比較creamy! 鍾意！
最後－款係我嘅至愛，法國吉拉多，海水味和蠔味最突出，留至最後食最好，否則對之前兩款就唔太公平了！
跟住係北海道帶子無花果沙律
嘩！咁大碟嘅！不過顏色配搭非常豐富艷麗，上面全是無花果、西柚、血橙和主角：北海道帶子（可惜細咗少少）但口感爽甜彈牙，不同生果增進食欲，配以少量醋汁！下面份量十足嘅沙律菜，女朋友食完差唔多已經飽了！
跟住嚟虎蝦海鮮湯
原隻虎蝦，配以帶子、青口等海鮮入湯！濃而不膩！
再來一碟白酒煮青囗
白酒酒配餐包一流！份量又多，只可惜D青口比較細小！否則就一流！到此，女朋友宣佈已經飽了，主菜只好由我自己處理，因為她要留番少少胃食甜品！
輪到主菜係慢煮10安士美國頂級西冷牛扒
本身不是個食紅肉嘅怪獸，即刻問女朋友剛才侍應有冇問牛扒要幾成熟？答案係我叫咗Medium Rare ! 即刻切開牛扒一望！有點可惜！熟咗少少偏向Medium! 還好中心部份還能保持香濃肉汁，也不算太失望！
食完個主菜還有碟煙燻蟹肉明太子忌廉汁濶條麵！
已經九成飽的我望住碟份量十足嘅濶條麵，只能勉為其難地盡我努力去品嘗大㕑的手藝。主角煙燻蟹肉並沒有被明太子的咸味所掩蓋，散發淡淡的煙燻香味！醬汁亦很可口，但稍為濃厚咗，只可惜我的胃不爭氣，只能儘力食完所有餸和少量彈牙的濶條麵，剩下的只能望門興嘆！
最後甜品我揀咗啤梨蘋果金寶配雪糕。女朋友點咗法式伯爵茶焦糖燉蛋。
因甜品才是女朋友的主食，我惟有割愛讓她食哂全部，只吃了雪糕（女朋友唔食）和少量用糖水煮過嘅啤梨和蘋果，本人覺得甜咗少少，反而係黑糖煮成嘅金寶就幾脆口！
今晚點的除咗主菜西冷牛扒係紅肉外，其餘全部都係海鮮，所以我們點了紅酒白酒各一杯來配搭，效果相當不錯！
今晚食完之後嘅結論係：下次來幫襯記得餓一輪才來，否則有負大㕑的手藝！
張貼
