媽咪雞蛋仔 (已結業)

較早前係旺角食過「媽咪雞蛋仔」，感覺唔錯，幾好食。但聽聞尖沙咀鋪喺最好食，所以今日冒雨都嚟試下。有機栗子雞蛋仔因為落雨，天氣又涼（直頭覺得凍），所以想食栗子嘅心情大增，於是乎就買咗個栗子味試下。一路食，一路有驚喜。估唔到每一粒雞蛋仔波都有栗子肉係入面，原本以為係栗子蓉嚟。甜度啱啱好，非常適中。中間有d係無栗子蓉嘅，可以拎嚟同旺角分鋪比較下。尖沙咀鋪嘅係更加實心，但實得嚟好綿同較軟身，真係稱得上「蛋糕心」。不過有小小不足位，就係邊位烘得唔夠脆身。始終雞蛋仔最好食係內裡有綿綿嘅蛋糕心，外圍有小脆同焦香嘅裙邊。