海港薈

營業中

休息中

朋友早前撞親隻腳行動不便，所以今日入新界來探望他，搵了大埔火車站附近商場一間酒樓飲下午茶。飲茶期間竟然有兩隻雀仔飛咗入嚟酒樓玩追逐遊戲。香芒糯米糍，咬落煙煙韌韌內裡有沙律醬加少少芒果肉。粟米魚肚咸骨粥，清清地粥底幼滑又夠綿。香茜牛肉腸，腸粉皮嫰滑有米香，牛肉鮮嫰有咬口。松露帶子餃，外形好特別黑色粉皮好像布袋裝滿餡料，帶子鮮甜配上松露可以帶出鮮味。蟹籽燒賣皇，大大粒新鮮熱辣辣，蝦仁夠爽脆。茄湯鮮竹卷，平時吃鮮竹卷只是上湯，但這款是蕃茄湯底又有另一種味道。