大快活 (京瑞廣場1期) (已結業)

一諗起雞脾下午茶，就梗係配紅荳冰㗎啦，由細細個就係咁嘅組合。原來除咗紅荳冰外，仲可以配碗仔翅。咁就一於改下個pattern, 今次要碗翅啦。雞脾燒得好好，雞皮上嘅油都燒到蒸發哂，好香燒烤味，而雞肉又唔乾仲好juicy添，調味又啱啱好。一隻燒得咁高水準嘅燒雞脾，真係可遇不可求呀。拍埋咁正嘅燒雞脾，碗仔翅就真係比下去喇。個豆粉就太多lu，同街邊車仔檔嘅品質差好遠，但是，其實都是還可以的，味道都okay 。一啖雞脾，一啖翅，enjoy 我的下午茶。