Project B (已結業)

同屋企人去太子買野，經過呢間餐廳門口見到個餐牌幾吸引，價錢又唔貴，環境又唔錯，決定入去食個lunch。我地2點幾去，可以叫午餐同下午菜menu。我地成日冇食過野，好肚餓，所以叫咗幾款share。~~特色蝦多士新鮮炸，食落好脆口。食到好足料，好多蝦，好彈牙，加埋沙律醬，好開胃。~~法國鵝肝手打牛肉漢堡個漢堡好大，夠2個share，有好多配料，有生菜，蕃茄等等，食落都好新鮮。牛肉好厚身，充滿肉汁。鵝肝食落都唔會好肥膩。同埋，跟餐嘅薯條都好好味，新鮮炸。~~烤三色椒肉眼扒肉眼扒好大塊，性價比好高。肉眼扒都好淋，好易入口。~~自家製窩夫拼雪糕賣相好靚，好啱打卡。窩夫新鮮整，食落外表脆卜卜，裏面鬆軟，加埋雪糕同生果一齊食，味道一流。