十和田 (已結業)

新蒲崗十和田 呢度去嗰度去，到咗新蒲崗見到壽司店，又累又肚餓，就入去睇睇有乜嘢食。食壽司簡單方便快趣，唔使諗又有套餐，食兩個人，叫咗一個刺身拼鰻魚飯，一個午市壽司套餐，重係廚師發板，嚟乜食乜，加埋有湯有嘢飲， 仲有一個玉子正奇滑無比，都唔錯嘅一個午餐選擇，話說鰻魚飯，鰻魚唔使講都係我嘅至愛，仲加埋刺身添真係幾爽。朋友鍾意食壽司，壽司都有條鰻魚仔，到最後都係入埋我嗰口袋。刺身鰻魚飯刺身方面有三文魚吞拿魚，甘魚，又有條好大嘅甜蝦，再加埋一條大鰻魚，鰻魚汁好味之處間間不同，都係廚師自己調教嘅醬汁，直得一試。午市壽司套餐廚師發板六件太和卷，魷魚壽司，吞拿魚壽司，三文魚壽司，海膽壽司，帶子壽司海，蟹子壽司，加埋一條鰻魚仔。食後感覺 ，食材新鮮，件件好味，仲想下次再來。