Shabu Sai (已結業)

第一次嚟shabu sai食shabu shabu，我揀咗$139特上等牛肉，呢個價錢夜晚嚟食只可以食到上等牛肉。一次過嚟咗２盤牛肉同一盤豬肉，豬肉薄切，好快熟，牛肉肥肉偏多，不敢想像上等牛肉質素有多高。雖然食物選擇比較少，亦無乳酪食，但都覺得好滿足。特別推介辣肉丸同埋檸檬沙冰，有心思。自選醬料方面，未試過有咁多選擇。有我喜歡的芥末同紫菜。湯底揀咗蕃茄同壽喜燒。蕃茄湯味道濃，不用額外的醬料食物已很tomato，反而壽喜燒鹹咗DＤ。值得一讚佢哋的服務，好細心。每枱均設水瓶，客人可按自家需要為湯底添水。而且佢哋一眼關七，見枱面有空碟即為你收走，亦有求必應。