香港達人 (迎海薈) (已結業)

諗住近近地食個早餐，就去左屋企附近嘅香港達人度食。因為一個人所以好快有位，唔駛等好耐。我叫左個早餐A1, 本身跟炒滑蛋但因為有咗所以就叫轉煎熟蛋。等咗半個鐘先來杯嘢飲，咁我催單啦，個阿姐轉頭出嚟就話已經落左單但好多單所以要等，又等一輪就黎野食。明明叫煎熟蛋佢就黎左個炒滑蛋，又要改，再等多一輪之後終於黎煎蛋，但蛋黃係生既，我放棄了唔想等到午餐時間先食到個早餐。唔明點解咁簡單都錯幾次仲要等咁耐。食茶餐廳既嘢都可以等到好似食法國餐咁嘅時間，想快既就真係唔好去，反正唔係好食，無下次。