牛太 (已結業)

荃灣西站開了一段時間，越來越多偽豪宅出售，人流越旺，幾個大型商場連接一起，裏面多間食肆，中西日意韓樣樣都有，今晚就去了荃新天地裹面的牛太食韓燒。餐廳樓底高，地方寬闊，座位舒適，完全無焗促感，而且一貫的油煙味，食完出尼件衫都好清爽。有三款任食套餐，我們就點了個中價燒肉餐。食物方面有豬、牛、雞、腸仔等，其中牛肉類款式很多，有牛肋肉、牛仔骨、牛舌、霜降牛等，十多款有醃過的，亦有原味，可因應自己口味點選，份量以一件為單位，唔會浪費食物。海鮮款式就比較少，主要是蝦、魷魚筒、蠔、帶子等，比較細隻，但都算新鮮。另外蔬菜有雜菌、粟米、洋蔥、南瓜，日本蕃薯仔及菠蘿等，冷盤有羽衣甘藍、凱撒沙律、凍豆腐等。當然唔會少得有韓式小食，泡菜、涼拌菠菜及芽菜等。石頭窩飯、拉麵、烏冬應有盡有，不過可能是比較夜的關係，有幾款食物都沽清。最後埋單時，送上一人一杯雪糕做結尾，燒肉味道尚可，上菜好快，但有少許漏單，基本上再點都會有。