影片
更多
2022-08-22
351 瀏覽
-霜瀛🍣Part I由舊年見到有人介紹果陣就已經好想試好好彩咁見到佢而家做緊晚市第二位半價平時真係好少可會見到omakase 有優惠所以就覺得係時候可以去試下啦😎✨霜 Omakase ($1580)🥢先付 / 總共4款特色前菜🍅凍蕃茄 - 清甜多汁 有啫喱用蕃茄汁做成 酸甜酸甜 幾開胃🌽北海道白粟米 - 香甜爽口 有種奶香味 好正~🫘甘露黑豆 - 個汁係甜甜地 豆香味濃 幾好食🦪煮花螺 - 肉質爽口彈牙 煮得好入味 帶點鹹勁 🥢茶碗蒸蒸得恰到好處 好嫰滑 特別在於入面有海蔘 食落幾有嚼口 而上面既三文魚籽令個茶碗蒸帶黎鮮味 唔洗額外調味另外仲加入柚子粉 令成個味道清新啲~🥢時令刺身4款🦪北海道厚岸真蠔肉質肥美新鮮 口感creamy 食落蠔味重 微甜 配埋酸汁啫喱 好夾👍🐙活八爪魚 + 吸盤第一次食到咁爽脆既吸盤 食落會有少少黏口加上用左柚子皮同竹炭鹽做調味 味道會清新啲 🐟太刀魚擺盤美美的 燒香左既太刀魚 肉質非常軟嫰 外皮脆脆簡單地放入薑同蔥碎 芝麻同柚子粉 已經好好味🤌🐟煙燻鰹魚 （❤️❤️❤️❤️❤️真心推薦）師傅事先燒左魚皮 迫左啲魚油香出黎經過蘋果木做煙燻 所以首先食到蘋果木香味 跟住
霜瀛🍣
Part I
由舊年見到有人介紹果陣就已經好想試
好好彩咁見到佢而家做緊晚市第二位半價
平時真係好少可會見到omakase 有優惠
所以就覺得係時候可以去試下啦😎
✨霜 Omakase ($1580)
🥢先付 / 總共4款特色前菜
🍅凍蕃茄 - 清甜多汁 有啫喱用蕃茄汁做成 酸甜酸甜 幾開胃
🌽北海道白粟米 - 香甜爽口 有種奶香味 好正~
🫘甘露黑豆 - 個汁係甜甜地 豆香味濃 幾好食
🦪煮花螺 - 肉質爽口彈牙 煮得好入味 帶點鹹勁
🥢茶碗蒸
蒸得恰到好處 好嫰滑 特別在於入面有海蔘 食落幾有嚼口
而上面既三文魚籽令個茶碗蒸帶黎鮮味 唔洗額外調味
另外仲加入柚子粉 令成個味道清新啲~
🥢時令刺身4款
🦪北海道厚岸真蠔
肉質肥美新鮮 口感creamy
食落蠔味重 微甜 配埋酸汁啫喱 好夾👍
🐙活八爪魚 + 吸盤
第一次食到咁爽脆既吸盤 食落會有少少黏口
加上用左柚子皮同竹炭鹽做調味 味道會清新啲
🐟太刀魚
擺盤美美的 燒香左既太刀魚 肉質非常軟嫰 外皮脆脆
簡單地放入薑同蔥碎 芝麻同柚子粉 已經好好味🤌
🐟煙燻鰹魚 （❤️❤️❤️❤️❤️真心推薦）
師傅事先燒左魚皮 迫左啲魚油香出黎
經過蘋果木做煙燻 所以首先食到蘋果木香味
跟住魚既鮮味同甜味都會慢慢咁出番黎🤌 好正
🥢季節料理1款 / 香煎鵝肝配蘿蔔
呢個香煎鵝肝真係不得了 成個組合都好和諧❤️
上面淋有酸甜酸甜既紅酒藍莓醬汁
而鵝肝下面就有原個日本小蘿蔔 食過落香甜冇渣多汁
所有野一齊食仲有助中和番鵝肝既油膩感 好好味🤌
🥢手握壽司6件
🐟鮫鰈魚
由於鮫鰈魚既魚油豐富 燒左個魚鰭位 可以將魚油迫出
配上北海道三星漬 可以令魚肉食落更為香口惹味
🐟深海池魚
深海池魚肉質爽口 味道鮮嫩 脂厚油香
甘香的油分配上烏魚子粉帶出既鹹鮮味更令人齒頰留香
🦪石垣貝青檸汁
肉質新鮮肥厚 脆嫩味甘 新鮮彈牙 配上青檸汁 清甜鮮味
🦐牡丹蝦 （❤️❤️❤️❤️❤️大推！）
非常鮮甜彈牙既牡丹蝦 配上即整燒熱既既新鮮蝦頭膏
最後落啲櫻花蝦一齊食 食落黏口 口感十足 味道層次超豐富
真係好好味 一定要趁呢個季節去食🤌
🐟赤鯥魚
含有豐富既魚油魚油 經火燒後就會將魚油迫晒出黎
肉質鮮甜既赤鯥魚 配上黑松露醬 鮮味更為濃烈
🐟中拖羅
脂肪同魚肉比例剛好 冇乜筋 食落軟腍鮮美
配上魚子醬既鹹鮮味 香氣十足
而且令魚味更突出同提鮮 唔洗豉油都夠味
🦪北海道紫海膽
肉質軟嫰 質感幼滑 甘甜清香 水分較少
食落有一股海洋氣息的鮮鹹 好味呢❤️
🐟鯖魚
新鮮既鯖魚配上簡單既薑蔥同芝麻
就已經較晒香口好味 同埋唔怕有腥味 處理得好好
🥢吸物 - 立魚湯
奶白色既魚湯 = 用料十足 有豐富既骨膠質
飲落魚香濃郁 而且仲食到粒粒嫩滑魚肉
🥢甜品 - 日本赤肉蜜瓜 + 開心果雪糕最中餅
赤肉蜜瓜香甜多汁as always ❤️
最中餅包住開心果雪糕 同少少開心果碎 正合我心意🤗
張貼
