影片
更多
2021-10-02
35 瀏覽
因為疫情冇得去旅行，相信唔少人都對日本心掛掛，見依家越來越多omakase，令我都忍唔住去回一回味日本嘅味道！朋友帶我嚟咗呢間新開嘅omakase 霜瀛，午市來講相對較平，抱住小事牛刀心態嘅我，係一個幾驚喜嘅體驗～Omakase同西餐一樣都係有開胃菜、前菜等等，我哋食咗呢個田園沙律先！味道非常清新，配上酸忌廉更加開胃！而前菜就係呢款水雲醋配慢煮牛舌，再加上沖繩苦瓜配胡麻醬蟹肉。水雲醋食落係清涼嘅口感，但味道比較清淡，而慢煮牛舌面層加上蔥、芝麻，更香口之餘口感仲好爽！而沖繩苦瓜配胡麻醬蟹肉我就覺得幾出色，苦瓜一啲都唔苦味而且相當清新，配上鮮甜蟹肉，一級棒！然後就到刺身拼盤，廚師介紹要先食中間嘅九繪魚，再食右邊深海池魚，最後食左邊右口魚，主要係先淡味再到濃味，慢慢帶出刺身嘅魚香，右口魚中間夾住裙邊配上魚子醬同金箔，入口即溶，令我一試難忘！蟹肉茶碗蒸，面頭鋪上豐富蟹肉，帶淡淡蛋香，而底層有蟹柳做底。八爪魚對我來講一直係煙韌彈牙嘅印象，今次第一次食到軟煮八爪魚，口感超軟稔，淋得黎好鮮，刷新我對八爪魚嘅印象！然後係慢煮鮑魚配上北海道根室海膽，蔥飯做底，鮑魚新鮮彈牙，海膽非常鮮甜，成個感覺都好Fr
因為疫情冇得去旅行，相信唔少人都對日本心掛掛，見依家越來越多omakase，令我都忍唔住去回一回味日本嘅味道！
朋友帶我嚟咗呢間新開嘅omakase 霜瀛，午市來講相對較平，抱住小事牛刀心態嘅我，係一個幾驚喜嘅體驗～
Omakase同西餐一樣都係有開胃菜、前菜等等，我哋食咗呢個田園沙律先！味道非常清新，配上酸忌廉更加開胃！
而前菜就係呢款水雲醋配慢煮牛舌，再加上沖繩苦瓜配胡麻醬蟹肉。
水雲醋食落係清涼嘅口感，但味道比較清淡，而慢煮牛舌面層加上蔥、芝麻，更香口之餘口感仲好爽！而沖繩苦瓜配胡麻醬蟹肉我就覺得幾出色，苦瓜一啲都唔苦味而且相當清新，配上鮮甜蟹肉，一級棒！
然後就到刺身拼盤，廚師介紹要先食中間嘅九繪魚，再食右邊深海池魚，最後食左邊右口魚，主要係先淡味再到濃味，慢慢帶出刺身嘅魚香，右口魚中間夾住裙邊配上魚子醬同金箔，入口即溶，令我一試難忘！
蟹肉茶碗蒸，面頭鋪上豐富蟹肉，帶淡淡蛋香，而底層有蟹柳做底。
八爪魚對我來講一直係煙韌彈牙嘅印象，今次第一次食到軟煮八爪魚，口感超軟稔，淋得黎好鮮，刷新我對八爪魚嘅印象！然後係慢煮鮑魚配上北海道根室海膽
，蔥飯做底，鮑魚新鮮彈牙，海膽非常鮮甜，成個感覺都好Fresh。
清心縣紫菜醬油漬中拖羅同天然大間拖羅，中間夾住紫蘇葉做調味，整體充滿咸香，紫菜增加番口感。
銀鱈魚、金目鯛，輕輕火炙令味道更加鮮明，軟稔口感，配上粒粒分明嘅壽司飯，口感豐富。
火炙帶子配上新鮮海苔，鮮香味十足，而且帶子刺身好夠甜，本人十分鍾意！
赤鯥、鰤魚油香味比較重，加上刺身鮮味，魚香味十足！
北海道根室海膽壽司，入口即溶，鮮香海膽味香濃，一件落肚都好飽肚！
最後有蔥吞拿魚飯配筋子，呢間應該係我食過咁多間最好食嘅魚籽，粒粒分明一啲都唔會黏住，咬落去鮮甜，好似食緊爆爆珠咁，口感同味道都好豐富！
自家製紫薑，適合返香港人嘅口味，紫薑冇咁辣，同時清新口腔
麵豉湯以蜆肉做底，飲落去有少少鮮味加上麵豉嘅鹹味，蜆肉幾大粒，飲落去都不錯！
最後甜品係益力多雪糕，味道同飲緊嘅益力多一樣，雪糕都幾軟滑～
張貼
