Green Orange

今日出咗上環整回鄉證 順便係附近大廈食晚餐 意式軟殼蟹雜菜沙律 個軟殼蟹即刻炸起超酥脆 但係又保留到肉汁好好味 加埋雜菜沙律個汁酸酸甜甜 啲沙律菜又爽甜 食落好Refreshing 鳳尾蝦明太子忌廉汁扁意粉 忌廉汁濃鬱帶有點點鹹香來自明太子嘅味道 再加上烚得啱啱好嘅意粉 撈埋一齊食味道很夾 而且仲有啖啖蝦肉 紐西蘭肉眼牛扒 牛扒厚薄適中 五唔成熟出來嘅效果剛剛好 兩邊煎香 再帶有點點迷迭香嘅味道 食落去有油脂香 Juicy美味 另外仲試埋呢度嘅甜品 焙茶焦糖燉蛋 Crème brûlée面頭有薄薄一層脆皮焦糖 底下嘅燉蛋有少少茶嘅香濃味 食落會冇咁膩