Nissa la Bella (差館上街)

營業中

休息中

今日黎到位於中環既哩間法國菜館。餐廳環境有格調，燈光昏暗浪漫，入面嘅桌椅同埋裝修都行木系懷舊風。🥖餐包配蜜糖牛油餐包暖笠笠又軟熟，好鍾意佢嘅蜜糖牛油，入面仲有香草～🔸車厘茄沙律沙律入面有唔少切半嘅車厘茄及車厘子，加上橄欖油、紅蔥頭及芫荽，再唧少少青檸汁調味，味道清新開胃。🔸尼斯洋蔥鯷魚橄欖薄餅薄餅底層軟熟，上面有厚厚嘅鯷魚及洋蔥，味道鹹香，仲加上橄欖調味。🔸法式蒜蓉牛油焗蝸牛一上枱，店員已經同我哋講要小心唔好掂到白色碟邊，因為非常熱。入口熱辣辣之餘，仲有勁香蒜蓉同橄欖油味～🔸法式煎原條龍脷魚原條龍脷魚大大條，配上檸檬牛油及番茜，估唔到哩條魚咁好食，有啖啖奶油香，魚肉鮮嫩，調味做得啱啱好，仲配有菠菜同薯仔，愛魚人士推介👍🏻🔸法式泡芙法式泡芙入面有雲呢拿雪糕，面層再加上鮮忌廉，仲可以自己加朱古力醬，非常滿足。