Nissa la Bella (差館上街)

營業中

休息中

住咗咁耐上環一直都好想試吓差館上街嗰啲餐廳。一路都覺得差館上街呢邊又有氣氛，而且比較安靜。今日特登嚟試一試依間法式小館，裝修好靚，而且嘢食都非常正宗，係由外國廚師主理。前菜有尼斯洋蒽鯷魚橄欖薄餅，上邊有好多洋蔥，另外有啲鯷魚提升鹹鮮味，非常開胃。此外，仲食咗佢嘅車厘茄沙律，配有車厘茄、橄欖油、白菜、紅蔥頭及芫荽。上面仲有啲Blue cheese，成個感覺非常法式，完全唔係平時喺亞洲會食到嘅味道。仲叫個日本真姫蘑菇撻盒配有沙律菜喺旁邊，上面真係有好多菇，完全食到嗰種蘑菇鮮味，另外店員亦都會喺個蘑菇撻淋上一啲白汁，令到成個蘑菇撻味道更加平衡。主菜叫咗個法式燴羊肉，除咗羊肉外，紅蘿蔔，薯仔同埋豆。羊肉都幾腍，而且味道好出，又唔會有臊味。另外亦都食得出薯仔紅蘿蔔好新鮮，好脆口。仲有啲青豆墊底，連埋羊肉一齊食會比較清新。最後甜品食咗個Tarte tatin d'abricot,sorbet pistache。呢個法式甜品好特別，佢有啲果jam同埋新鮮嘅apricot 喺個撻上面，另外仲有開心果嘅雪葩，減低咗個甜膩感。