Green Orange

日間嘅上環係人來人往嘅商業區，來到晚上，就回歸清閒寧靜，黎到呢間熟悉的西餐廳，享受放慢嘅時間。點餐完成，送上熱辣辣餐前餐飽，味道有3款，叔最喜歡嘅，就係呢度嘅百里香香草包，仲有軟軟微脆嘅黑芝麻飽。先黎一個清新嘅煎帶子西柚沙津，西柚冰冰涼涼，無筋，煎帶子鮮甜，配香草醋沙津汁食完完全消除日間積聚嘅暑氣。今次試下非常獨特嘅烤羊肉串配腐乳忌廉汁意粉，本擔心腐乳整意粉會好怪，但味道完全有驚喜，腐乳加入忌廉變成濃濃香香，同烤羊肉絕對合拍，羊肉嫩滑，醃得好香。主菜叫左一個烤安格斯西冷，好大塊，五成熟剛剛好，粉紅色嘅內心非常吸引，肉質纖維分明，口感嫩滑，牛味香濃，非常優質，配上烤薯仔同雜菜，叔吃飽了。餐後來一杯即磨咖啡，叔對咖啡研究不深，但味道香香醇醇，夠叔回味一整晚，一天辛勞都得以慰藉。