霜瀛 (已搬遷) 新店位置

Omakase相信係好多人既最愛，近日係上環搵到呢都間 霜瀛 日本料理餐廳。平平地試吓佢個lunch 既廚師發板！沙律🥗非常新鮮，為呢一餐開咗個靚頭之後黎到前菜部分，賣相特別得黎又不失高級感左到右分別係 鴨胸，水雲，秋葵 估唔到前菜已經咁豐富！水雲食落好特別 令我更加期待之後有啲咩啊！茶碗蒸有蟹肉，蒸蛋既時間都剛剛好 滑溜溜！終於到主角出場啦！平靜魚，石鯛、赤貝平靜魚鋪上紫蘇花，食落魚油味係口腔內慢慢浸出嚟，師傅將魚卷起黎令食落更有口感石鯛則鋪上了金箔，高檔了不少！望完圖唔好以為係三文魚呀！因為本身我都以為係，其實係櫻鱒！喺經典嘅日本菜裏面只會係高級餐廳先見到嘅，慢煮鮑魚配上特製嘅飯(鮑魚粒，海苔，葱) 新鮮既紫菜包住大大粒既帶子夾住用蝦秘製既醬鮮甜最高！口感一流壽司:深海池魚 肥美有口感銀鱈魚 唔係好多餐廳食到，魚味重油脂分布平均北寄貝 好大舊，面頭有輕微燒過 野生拖羅 入口即溶，魚油冇咁重但魚味非常甘香赤蝦 好大嘅蝦上面仲加咗炸蒜，即刻變咗個層次海膽壽司 三份海膽！一次過滿足海膽癮題外話，呢度嘅壽司飯係用日本水煲，好講究！吞拿魚茸飯蔥夠多！吞拿魚夠鮮！味噌湯豆腐，韭黃，蜆，豆卜 咸