生日前夕遇上黑雨，好彩冇影響舌尖上的滋味🥰
上環呢間隱世omakase✨ 同一般嘅唔同，熟食同刺身比例各半，有驚喜🫶🏻個人認為配清酒好正，師傅店員都好有心思！
🐟雕魚刺身 油份重得嚟肉質煙韌 加咗辣蘿蔔蓉同葱花，味道層次即刻豐富晒！
🦪樽蠔 海水味突出，配微辣蘿蔔蓉同日本海布 ，酸酸咪咪好開胃～
🐚日本岩手縣石媛貝 爽口清甜，食到原本嘅鮮味
🐚蠑螺 爽脆彈牙，處理得剛剛好
🦀蟹肉刺身 蟹肉水潤，蟹膏粥濃郁綿滑 加上薑花同葱，用紫菜包住食超正！
🐮和牛薄燒 夾住葱蒜一齊燒，香氣撲鼻 入口即化嘅感覺太幸福～
🦐北海道牡丹蝦他他 撈入濃郁蝦膏，底下用鱈魚乾分隔 脆同軟滑嘅口感一次過滿足
🍣拖羅三重奏 吞拿魚背、中腩、燒鮫三種部位 配葱花同紫蘇葉，油香滿溢～
🐟鹽烤喜知次 外皮香脆，魚肉保持嫩滑 簡單用鹽調味已經好出色
🍚北海道產蝦夷鮑土鍋飯 鮑魚鮮嫩彈牙，飯粒吸收晒精華 暖笠笠好滿足
🍵抹茶奶凍 濃郁抹茶味配上滑溜奶凍！
花盡心思嘅甜品，I like it！
體驗好滿足，師傅手勢同食材配搭都好出色 happy 🤍
