Green Orange

今日係同女朋友慶祝嘅日子，我地見倒Green Orange 嘅搶眼嘅廣告牌，就毫不猶豫咁入咗去試。我地叫咗香煎鵝肝伴紅酒繪梨，紅酒味滲入梨芯，明顯地師傅都以較長時間用心烹調，鵝肝嘅外層已經用猛火煎好，連埋個脆嘅麵包食，非常有口感。跟住就係香煎黑毛豬沙律伴士多啤梨。黑毛豬嘅肉味同士多啤梨嘅酸甜味互相襯托著，係舌尖嘅蠕動下，將濃厚嘅豬味送入喉嚨。再嚟就係蟹肉南瓜濃湯。南瓜味濃湯用料十足，一啖一啖就好似真係食緊南瓜落肚，而且蟹肉嘅鮮味都滲入湯入面，每一口都係新鮮嘅味道，就好似旅行時即叫即整咁。仲有個西班牙紅蝦闊條麵配海鮮湯汁，大大隻手掌咁大嘅紅蝦呈現係眼前，賣相吸引，本身紅蝦嘅味道已經好鮮，加埋海鮮湯汁，令人感到置身外國漁市場。蝦肉亦彈牙有質感，非常值得推薦。