影片
更多
2018-05-01
2274 瀏覽
好友雖然不是上海人，但對上海菜卻情有獨鍾，所以今個月嘅姊妹敘，就專登揀咗嚟尖沙咀呢間「上海婆婆336」，應該啱佢口味。餐廳位於 iSQUARE 國際廣場 6 樓，店內地方頗大，佔地寬廣，空間充裕。裝潢走新派路綫，帶西式風格，以暗啞金屬色彩為主調，配合牆身上充滿藝術感的黑板、天花外露的鐵管、鎢絲燈、水泥地和一室木製餐桌，設計摩登有型又帶點工業味。安坐後先打餐牌細看，菜色琳瑯滿目，選擇甚豐，由冷菜、湯類、豆腐、河海鮮、豬牛、雞鴨，以至小炒蔬菜、飯麵、手造拉麵、點心、甜品及飲品等，一應俱全，而茗茶方面就每位 $6。選了兩款點心做前菜，率先送上是這客押上店名嘅 336上海小籠包 ($38)，小籠包上桌時仍熱辣辣。先用筷子小心翼翼地夾起其中一隻，外皮唔算好薄，沒透光效果，不過看起來搖搖欲墜。咬開包皮頂部，可以清楚見到內裡湯汁和肉餡；吸啜部份湯汁後再整顆放入口，肉餡剁得很幼細，既有瘦肉的嚼勁，也有肥肉的脂香，湯汁澄澈鮮甜，調味自然。接著上桌嘅蘿蔔絲酥餅 ($43) 亦做得很有水準，即叫即炸，外皮略帶金黃，層層叠叠，細緻均勻，配上面頭的芝麻粒，食落酥香鬆化，而入面的蘿蔔就切成粗絲，鹹香爽口、汁多味
好友雖然不是上海人，但對上海菜卻情有獨鍾，所以今個月嘅姊妹敘，就專登揀咗嚟尖沙咀呢間「上海婆婆336」，應該啱佢口味。餐廳位於 iSQUARE 國際廣場 6 樓，店內地方頗大，佔地寬廣，空間充裕。裝潢走新派路綫，帶西式風格，以暗啞金屬色彩為主調，配合牆身上充滿藝術感的黑板、天花外露的鐵管、鎢絲燈、水泥地和一室木製餐桌，設計摩登有型又帶點工業味。
安坐後先打餐牌細看，菜色琳瑯滿目，選擇甚豐，由冷菜、湯類、豆腐、河海鮮、豬牛、雞鴨，以至小炒蔬菜、飯麵、手造拉麵、點心、甜品及飲品等，一應俱全，而茗茶方面就每位 $6。
選了兩款點心做前菜，率先送上是這客押上店名嘅 336上海小籠包 ($38)，小籠包上桌時仍熱辣辣。先用筷子小心翼翼地夾起其中一隻，外皮唔算好薄，沒透光效果，不過看起來搖搖欲墜。咬開包皮頂部，可以清楚見到內裡湯汁和肉餡；吸啜部份湯汁後再整顆放入口，肉餡剁得很幼細，既有瘦肉的嚼勁，也有肥肉的脂香，湯汁澄澈鮮甜，調味自然。
接著上桌嘅蘿蔔絲酥餅 ($43) 亦做得很有水準，即叫即炸，外皮略帶金黃，層層叠叠，細緻均勻，配上面頭的芝麻粒，食落酥香鬆化，而入面的蘿蔔就切成粗絲，鹹香爽口、汁多味甜。
見近期鹹蛋黃大熱，所以主菜就揀咗鹹香蝦球 ($133)，另加咗一客砂鍋粉皮魚頭湯。蝦球份量十足，顆顆飽滿，色澤金黃冶艷，光看賣相已令人食指大動，而且還沒上桌，離遠就已經聞到鹹香味。挾起一件細看，蝦球表面沾滿鹹蛋黃，咬下啖啖蝦肉，結實爽甜，彈牙非常，食落帶濃郁的鹹蛋黃甘香，既邪惡又滋味，吃時記得要配埋旁邊的青瓜，可減低油膩感。
砂鍋粉皮魚頭湯 ($128)，魚頭湯非常大煲，用料豐富，除咗大大個魚頭外，還加入了豆腐、小唐菜、切成薄片的冬筍、菇菌及新鮮粉皮。先舀起一小碗湯品嘗，湯頭呈奶白色，非常鮮甜，完全無油膩感。魚頭煎過，魚皮食落金黃香口，而連住魚頭的肉亦嫩滑鮮美。粉皮晶瑩剔透，入口有米香，且滑不溜口，還帶點柔韌，美味非常。
甜品同樣選了兩款，包括有香蕉高力豆沙 ($52) 同薑茶湯丸 ($35)，渾圓的豆沙球上桌時仍脹卜卜，像個小雪球，外表色澤金黃，輕咬一口，食落有彈性，柔軟如棉花，而餡料入面就夾雜咗香蕉同豆沙，兩者味道夾配，清甜滋味。至於薑茶湯丸，薑水的薑味非常濃郁，湯丸細細粒，外皮咬下柔韌軟糯，內裡有滿滿嘅黑芝麻餡，用作飯後甜品就最適合不過，食完成個人暖笠笠。友人是否吃得很滿意？當然喇，而且仲大讚我無介紹錯添！
張貼
